Suriyada iki il yarımdan bəri davam edən qanlı vətəndaş müharibəsi 140 mindən artıq insanın ölümünə, 2 milyondan artıq suriyalının qaçqın düşməsinə səbəb olub, ölkədə kütləvi aclıq yaradıb.
Suriyanın müxtəlif şəhərlərində ərzaq qıtlığı dözülməz həddə çatıb.
İş o yerdədir ki, suriyalılar zooparklara hücum çəkərək oradakı vəhşi heyvanları öldürür, şaqqalayırlar.
Al Jazeera-nın məlumatına görə, belə olaylardan biri "Əl Qarya əl Şama" zooparkında çəkilib.
Qəfəsdəki şiri güllələyəndən sonra suriyalılar həmin şiri kəsiblər, parçalayıblar və aclar arasında bölüşdürməyə başlayıblar.
Bu, çağdaş tarixdə ilk dəfədir ki, zooparkdakı şiri yemək üçün öldürürlər.
Al Arabia isə bildirir ki, Suriyada bir yox, üç şiri kəsib yeyiblər.
Bundan başqa, Dəməşq zooparkında nəhəng, 5 metr uzunluğundakı pitonun da oğurlanaraq öldürüldüyü və ət üçün parçalandığı vurğulanır.
BMT ekspertlərinin dediklərinə görə, Suriyadan qaçanların məskunlaşdıqları qaçqın düşərgələrində isə azyaşlılar istismar obyektinə çevriliblər.
Emin Əlizadə