Rusiya prezidenti Vladimir Putin haqqında alman dilində politoloq Stanislav Belkovskovonun yazdığı qalmaqallı kitab nəşr o” xəbər “Der Spiegel” nəşri kitab haqda rəy yazıb və kitabdan bir sıra maraqlı məqamları vurğulayıb:
“Putini anlamağın əsas açarını Belkovksi onun bədbəxt uşaqlığında görür. Onun sözlərinə görə, Putin içki aludəçisi olan bir ailədə dünyaya gəlir. Anası Vladimirlə birgə Gürcüstana gedir ki, qısa vaxtdan sonra uşağı Leninqrada, qohumlarının, yəni gələcək prezidentin rəsmi valideynlərinin yanına göndərsinlər...Belkovski iddia edir ki, Putin bütün həyatı boyu “surroqat ailə”sinin axtarışında olur: Boris Yelsinin timsalında o, surroqat ata, futbol klubunun sahibi, oliqarx Roman Abromoviçin timsalında isə özünün surroqat qardaşını görür.
Belkovski kitabında belə bir nəticəyə gəlir ki, Putin “sözün tam anlamında prezident postuna sürüklənən tənha siyasətçidir. Qərar qəbul etməkdən çox qorxur və insanlardan qorxduğu üçün öz asudə vaxtını heyvanlarla keçirməyə üstünlük verir. Putinin seks və seksual həyatı “uydurmadır”. Ola bilsin ki o, “gizli homoseksualdır”. Onun gimnast Alina Kabayeva ilə gizli əlaqələri isə Putinin piarşiklərinin təxəyyülüdür. Hələ 2000-ci illərin əvvəllərində Putin çox ciddi xəstələndi və indi bunu gizlədə bilmək üçün onu bəzən oxşarı əvəz edir”.
Putinin mətbuat katibi Dmitri Peskov isə kitabı şərh edərək bildirib ki, Belkovskinin dediklərinin heç bir əsası yoxdur. Sübut təqdim etmək əvəzinə Belkovski Putinin doğum tarixini araşdıran tanış jurnalistin sirli ölümündən danışır.
Sonda isə Der Spiegelin jurnalisti Belkovskinin Kremlin rəhbəri ilə bağlı həqiqətləri açmadığını, lakin Putin sistemini düzgün ifadə etdiyini yazıb: “Belkovskini dəli fantazyor yaxud da yüksək səviyyəli, bacarıqlı manipulyator hesab etmək olar.