Abşeron qəzetinin yeni sayı
«    Sentyabr 2017    »
BeÇaÇCaCŞB
 123
45678910
11121314151617
18192021222324
252627282930 
24-08-2017, 17:55 Oxunub: 78

Əli Həsənov Cocuq Mərcanlıya getdi

Əli Həsənov Cocuq Mərcanlıya getdi


Prezident İlham Əliyevin 2017-ci il 15 iyun tarixli Sərəncamına əsasən Cəbrayıl rayonunun Cocuq Mərcanlı kəndində Qaçqınların və Məcburi Köçkünlərin İşləri üzrə Dövlət Komitəsi tərəfindən aparılan tikinti-bərpa və abadlıq-quruculuq işlərinin növbəti mərhələsi uğurla davam etdirilir.

Avqustun 24-də Azərbaycan Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov Cocuq Mərcanlı kəndində məcburi köçkünlər üçün salınan qəsəbədə tikinti işlərinin gedişi ilə tanış olub. Baş nazirin müavini əvvəlcə Cocuq Mərcanlıda tikintisi başa çatmış 50 evə köçürülən sakinlərlə görüşüb söhbət edib, onların müraciətlərini dinləyib. Görüşdə bildirilib ki, bütün ölkə ictimaiyyəti, qaçqın və məcburi köçkünlər Prezident İlham Əliyev tərəfindən atılan qətiyyətli addımları dəstəkləyirlər. Onlar hesab edirlər ki, bütün bunlar növbəti uğurlarımızın, doğma ellərə “Böyük qayıdış”ın başlanğıcıdır.

Sonra Əli Həsənov qəsəbənin tikintisində çalışan şirkətlərin rəhbərləri ilə birlikdə inşaat sahəsinə baxıb, işlərin vaxtında və yüksək keyfiyyətlə başa çatdırılması ilə bağlı konkret tapşırıqlar verib.

İnşaat sahəsi ilə tanışlıq zamanı bildirilib ki, tikinti işlərinə 30-a yaxın texnika, 350-dən çox işçi cəlb edilib. Tikinti-bərpa işlərinin ikinci mərhələsində 100 fərdi yaşayış evi, 50 yerlik uşaq bağçası, tibb məntəqəsi, klub-icma mərkəzi, inzibati bina, poçt binası və digər zəruri sosial və infrastruktur obyektləri inşa edilir. 17 hektar ərazidə tikilən evlərin 14-ü birotaqlı, 38-i ikiotaqlı, 36-sı üçotaqlı, 12-si dördotaqlıdır.

Məlumat verilib ki, artıq 44 evin dam örtüyü vurulub, digər evlərin və ictimai binaların hörgü işləri başa çatıb. 110 metr dərinlikdə subartezian quyusu qazılıb, yol-küçə şəbəkəsinə qum-çınqıl tökülüb. Daxili içməli su təchizatında 1000 metr boru çəkilib. Hazırda daxili və xarici suvaq işləri və qəsəbədaxili su çəkilişi davam edir.

Qəsəbədə hər bir ailə üçün 0,10 hektar torpaq sahəsi ayrılacaq. 1,75 hektarda yaşıllıqlar salınacaq, yollar, səkilər və arxlar çəkiləcək. Qəsəbə elektrik enerjisi, təbii qaz və içməli su ilə təmin ediləcək. Qəsəbədə tikinti işlərinin bir ay ərzində başa çatdırılması nəzərdə tutulur.

Qaçqınların və Məcburi Köçkünlərin İşləri üzrə Dövlət Komitəsinin sədri inşaat işlərinin yüksək səviyyədə və keyfiyyətlə aparılmasının vacibliyini vurğulayıb, tikinti şirkətlərinin rəhbərlərinin təkliflərini dinləyib. Tikinti şirkətlərinin nümayəndələri inşaat işlərinin gedişində heç bir problemin yaranmadığını bildiriblər.

Qeyd edək ki, Cocuq Mərcanlıda aparılan tikinti-bərpa işlərinin birinci mərhələsində yeni salınan qəsəbədə 50 fərdi yaşayış evi, 96 şagird yerlik ümumtəhsil məktəbi, məscid, elektrik yarımstansiyası, hidrometeoroloji stansiya inşa edilib, qaz, elektrik, içməli su xətləri, ümumi uzunluğu 9 kilometr olan avtomobil yolu çəkilib. Qəsəbədəki evlərə Cocuq Mərcanlı kəndindən olan və əsasən Bakı şəhərində müvəqqəti məskunlaşmış məcburi köçkünlər köçürülüb. Ümumilikdə isə indiyədək qaçqın və məcburi köçkünlər üçün 3,2 milyon kvadratmetr yaşayış sahəsi olan 96 müasir qəsəbə və çoxmərtəbəli binalardan ibarət yaşayış kompleksi salınıb. Görülən işlər nəticəsində 50 min ailənin və ya 250 min nəfər qaçqın və məcburi köçkünün mənzil şəraiti yaxşılaşdırılıb.

Baş nazirin müavini Əli Həsənov jurnalistlərə müsahibəsində bildirib ki, Azərbaycan Prezidentinin Sərəncamı ilə Cocuq Mərcanlıda 100 mənzildən ibarət qəsəbənin tikintisi uğurla davam edir və çox qısa müddətdə başa çatdırılacaq. Bu tikintidə bir yenilik oldu. Yəni, layihə icra oluna-oluna tikintinin getməsi prosesi inşaatda bir yenilikdir. Hər kəs bu prosesə öz töhfəsini verdi. Bütün mənzillər internetlə təmin edildi, yarımstansiya, hidrometeoroloji stansiya tikildi və digər infrastruktur yaradıldı. Ümumiyyətlə, Cocuq Mərcanlı bütün dünyaya səs saldı.

Bildiyiniz kimi, dövlətimizin başçısı bu yaxınlarda Cocuq Mərcanlıda 50 evin açılışında iştirak etdi, 25 il atəş altında yaşayan Oqtay Həziyevin ailəsi ilə tanış oldu. Biz Oqtay Həziyev kimi insanların timsalında azərbaycanlıların öz doğma torpağına, Vətəninə, dövlətinə nə qədər bağlı olduğunu görürük. Budur Azərbaycan ailəsi, budur Azərbaycan vətəndaşı. Biz torpağımızın bir qarışını da heç kimə verən deyilik. Dövlətimizin başçısı dəfələrlə bəyan edib ki, Azərbaycan torpaqlarının bir qarışı belə güzəştə gedilməyəcək. Azərbaycan Prezidenti bunu vətənpərvər insanlarımıza arxalanaraq deyir. Bu gün Azərbaycan gəncləri hərbi vətənpərvərlik ruhunda tərbiyə olunurlar. Onlar istənilən an Ali Baş Komandanın hər bir tapşırığını yerinə yetirməyə hazırdırlar. Ümumiyyətlə, bu gün bütün Azərbaycan xalqı bu ruhdadır.

Bildiyiniz kimi, dövlətimizin başçısının təşəbbüsü və nəzarəti ilə Cocuq Mərcanlıda Şuşa məscidinin bənzəri tikildi. Bu, bütün dünyaya mesajdır ki, Azərbaycan xalqı öz dininə, adət-ənənəsinə çox sadiqdir.

Bu gün Prezident İlham Əliyevlə yanaşı, Birinci vitse-prezident Mehriban xanım Əliyeva da qaçqın və məcburi köçkünlərin ağır şəraitdən çıxarılması, mənzillə təmin olunması üçün prosesə qoşulub. Son aylarda artıq bir qəzalı binanın sakinləri köçürülüb. Hazırda Qaradağda 1100 ailəlik qəsəbə tikilir. İnsanlarımız arxayın olsunlar ki, maksimum bir il ərzində onlar bütün qəzalı binalardan çıxarılacaq. İşğal altındakı torpaqlarımız da tədricən azad olunacaq.

Görün bu gün Ermənistan rəhbərliyi nə işə məşğuldur, biz nə ilə məşğuluq. Biz öz insanlarımız üçün tikib-qururuq, şərait yaradırıq, onların həyat tərzini, güzəranını yaxşılaşdırırıq. Onlar isə mülki əhaliyə, uşaqlara atəş açırlar.

Əli Həsənov Cocuq Mərcanlıya getdi
Əli Həsənov Cocuq Mərcanlıya getdi
Əli Həsənov Cocuq Mərcanlıya getdi
XƏBƏR LENTİ
21:42 | 24 nömrəli körpələr evi-uşaq bağçasında "açıq məşğələ" 20:41 | 1 saylı uşaq bağçasında “Milli Musiqi günü” münasibətilə tədbir keçirildi 16:02 | Xırdalan şəhər 24 saylı uşaq bağçasından reportaj-ARB Günəş 15:22 | Abşeron rayonunda” Milli Musiqi Günü “ qeyd edildi. 01:48 | Xırdalan şəhər 2 saylı məktəbdə 15 senyabr "Bilik günü" qeyd olundu 01:24 | Xırdalan şəhərində kino mövsümünün açılışı günü qeyd olundu 21:17 | Abşeron rayon İcra hakimiyyətinin və Azərbaycan Respublikası Prezidenti Yanında Bilik Fondunun dəstəyi ilə İslam həmrəyliyi ilinə həsr edilmiş tədbir keçirilmişdir 20:38 | Xırdalan şəhər 27 saylı Uşaq bağçası və körpələr evində yeni dərs ilinin başlanması qeyd olundu 17:54 | Bakı Dövlət İqtisadiyyat və Humanitar kollecində Bilik günü qeyd olundu 17:45 | Rayon rəhbərliyi Mehdiabad qəsəbəsi 4 saylı məktəbdə oldu 17:07 | Bakı Mühəndislik Universitetində "Bilik günü" qeyd olundu 15:53 | Abşeron rayonunda 15 sentyabr "Bilik günü" qeyd olundu 15:01 | Xırdalan şəhər 3 №-li uşaq bağçasında “Bilik günü” keçirilib 00:34 | Bu gün ölkəmizdə "Bilik günü" keçirilir 22:34 | Abşeronda Bilik gününə həsr olunmuş təsnifat turniri keçirilib. 21:57 | 1 saylı körpələr evi–uşaq bağçasında "Bilik günü" tədbiri keçirilib 22:22 | Ali məktəblərə daxil olmuş tələbələrə Prezident təqaüdü təyin olunub - SİYAHI 21:32 | Abşeron Rayon Təhsil Şöbəsində Təhsil Şurasının iclası keçirilib 20:23 | Xırdalan 2 saylı məktəb təmayülləşmə üzrə eksperimentə başlayır 19:24 | Mülki müdafiə ilə bağlı maarifləndirici seminarlar keçirilir 19:22 | Abşeron rayonunda sentyabr konfransının bölmə iclasları keçirilib 21:46 | AZTV-Abşeronda təhsil işçilərinin ənənəvi sentyabr konfransı keçirilib