Respublikamızın hər yerində olduğu kimi, Abşerondada da polis işçilərinin peşə bayramı böyük təntənə ilə qeyd olundu. Tədbirdən əvvəl Abşeron rayon İcra Hakimiyyətinin başçısı Zakir Fərəcov , rayonun hüquq-mühafizə orqanlarının rəhbərləri, Rayon Polis İdarəsinin şəxsi heyəti Heydər Əliyev Xatirə parkına gələrək ulu öndərin abidəsi önünə gül dəstələri qoydular.
Tədbirin rəsmi hissəsi Abşeron Rayon Polis İdarəsinin akt zalında davam etdi.Dövlət himni səsləndirildikdən sonra, vətən keşiyində canlarından kecmiş Şəhidlərin əziz xatirəsi bir dəqiqəlik sükutla yad edildi.
Daha sonra Azərbaycan Respublikasının daxili işlər naziri, general-polkovnik Ramil Usubovun şəxsi heyətə bayram münasibətilə ünvanladığı təbrik məktubu oxundu.
Yığıncaqda rayon hüquq mühafizə orqanlarının əməkdaşları ilə yanaşı,Abşeron rayon icra hakimiyyətinin başçısı Zakir Fərəcov və digər rəsmi şəxslər, veteran polislər iştirak edirdilər.
Tədbiri giriş sözü ilə açan Abşeron Rayon İcra Hakimiyyətinin başçısı Zakir Fərəcov 02 iyul – Polis işçilərinin peşə bayramı münasibəti ilə bütün polis işçilərini təbrik edərək qeyd etdi ki, Azərbaycan Polisinin uzun, tarixi və şərəfli bir yol keçib, Daxili İşlər Orqanlarının müstəqil dövlətimizə uyğun formalaşmasında xalqımızın Ümummilli Lideri Heydər Əliyevin müstəsna rolu olub. Bu gün də hörmətli Prezidentimiz İlham Əliyev də polis işçilərinə həmişə diqqət və qayğıkeşliklə yanaşır. Bunun nəticəsidir ki, polis əməkdaşlarının əmək haqları xeyli artırılıb, şəxsi heyətin məişət şəraiti əsaslı şəkildə yaxşılaşdırılıb. Bu da polislərimizdə məsuliyyət hissini artırır, daha yaxşı xidmət göstərmək həvəslərini yüksəldir.
Toplantıda çıxış edən Abşeron Rayon Polis İdarəsinin rəisi, polis polkovniki Şəhriyar Şəmşirli Azərbaycan polisinin peşə bayramının 97-ci il dönümü münasibətilə şəxsi heyəti təbrik etdi. Azərbaycan polisiinin keçdiyi tarixi yola nəzər salınıb. Azərbaycan polisinə Ulu Öndər Heydər Əliyyevin hakimiyyəti illərində böyük diqqət və qayğının göstərildiyi, hazırda da polis əməkdaşlarının əməyinin ölkə rəhbərliyi tərfindən layiqincə qiymətləndirildiyi yığıncaq iştirakçılarının diqqətinə çatdırılıb.
Tədbirdə Abşeron rayon prokuroru Qənimət Səfərov, Məhkəmənin sədri Əşir Səmədov, MTN Abşeron rayon şöbəsinin rəisi Rauf Məmmədov və bir neçə polis veteranı çıxış edərək təbriklərini və ürək sözlərini söylədilər.
Sonda Abşeron Rayon icra hakimiyyətinin rəhbəri cənab Zakir Fərəcov tərəfindən işində fərqlənən bir qrup polis əməkdaşına Fəxri fərmanlar, pul mükafatı ,qiymətli hədiyyələr və 10 polis əməkdaşına isə yeni yaşayış binalarında mənzil təqdim edildi. Baş redaktor: Şamo Əliyev
