Latviya respublikasının ventspils vilayətinin nümayəndə heyəti Abşeron rayonunda oldular. Qonaqlar əvvəlcə rayonun inzibati mərkəzi - Xırdalan şəhərində ümummilli lider Heydər Əliyevin abidəsini ziyaret etdiler .Daha sonra Latviyali qonaqlar Heydər Əliyev adına Mədəniyyət və İstirahət Parkı və Heydər Əliyev Mərkəzi ilə tanış oldular. Latviya özünü idarəetmə ittifaqının sədri Andris Jaunsleinisin rəhbərlik etdiyi nümayəndə heyyətinə mərkəz haqqında ətraflı məlumat verildi. Abşeron rayon icra hakimiyyəti başçısının müavini
Fuad Cəbrayılov tanışlıq zamanı bildirdi ki, Mərkəzdə Ulu Öndərin həyat və fəaliyyətinin müxtəlif dövrlərini əks etdirən fotolar və eksponatlar yer alıb. Burada dünyanın nüfuzlu siyasətçilərindən olan ulu öndər Heydər Əliyevin Azərbaycanın beynəlxalq aləmdə nüfuzunun möhkəmləndirilməsi, bu böyük şəxsiyyətin həyata keçirdiyi məqsədyönlü siyasət nəticəsində müstəqilliyinin ilk illərində ölkəmizdə vətəndaş müharibəsinin qarşısının alınması, iqtisadiyyatın ağır böhrandan inkişaf yoluna çıxarılması, güclü ordu quruculuğu istiqamətində həyata keçirilən mühüm tədbirləri əks etdirən foto, kitab və digər vəsaitlərə geniş yer verilib. Ümummilli Liderin Azərbaycançılıq fəlsəfəsinin təbliği, gələcəkdə Azərbaycan vətəndaşlarının dünyada gedən müasir proseslər çərçivəsində öz Vətəni, milləti və xalqının taleyi ilə bağlı genişmiqyaslı layihələrdə iştirakının təmin olunması, onların arzu və niyyətlərini gerçəkləşdirmək əzminin reallaşması baxımından mühüm əhəmiyyət daşıyan Heydər Əliyev Mərkəzinin inşası Azərbaycanın müasir reallıqlarını əks etdirir.
Abşeron Rayon İcra Hakimiyyətinin başçısı Zakir Fərəcov ilə keçirilən görüşdə, ikitərəfli əməkdaşlıqla bağlı məsələlər müzakirə edildi. Başçı Zakir Fərəcov qonaqlara son illər Azərbaycan Prezidenti İlham Əliyevin rəhbərliyi ilə ölkəmizdə, o cümlədən rayonda aparılan genişmiqyaslı abadlıq-quruculuq işləri haqqında ətraflı məlumat verdi. Görüşdə əməkdaşlıq perspektivləri haqqında fikir mübadiləsi aparıldı, gələcək əlaqələrin istiqamətləri müzakirə edildi. Icra başcısı bildirdi ki, Latviya respublikasının ventspils vilayəti Abşeron rayonun Novxanı kənd bələdiyyəsin ilə artıq 4 ildir ki qardaşlaşıb və bu istiqamətdə görülən işlər hamımızı valeh edir. Latviya ozunu idarəetmə ittifaqının sədri Andris Jaunsleinis isə öz növbəsində səmimi qəbula görə Abşeron rayon icra hakimiyyətinin başcısı Zakir Ferecova təşəkkürünü bildirdi. Qonaq iki dost ölkənin müvafiq qurumları arasında müxtəlif sahələr üzrə əlaqələrin möhkəmləndirilməsi və inkişaf etdirilməsinin zəruriliyini bildirdi. Digər cıxış edən qonaqlarda Abşeron rayonu haqqında ən xoş arzularını catdırdılar və memnun qaldıqlarını ifadə etdilər .Natiqlər Azərbaycan respublikasının Prezidenti cənab İlham Əliyevin xüsusi diqqət və qayğısı nəticəsində qısa müddət ərzində əldə olunan nəticələrin sevindirici hal olduğunu vurğuladılar. Latviyali qonaqlar Abşeron rayon icra hakimiyyətinin başcısı Zakir Fərəcova özləri ilə gətirdikləri hədiyyəni təqdim etdilər.
Sonda Abşeron rayon icra hakimiyyəti adından Latviya özünü idarəetmə ittifaqının sədri Andris Jaunsleinisə və onun rəhbərlik etdiyi nümayəndə heyyətinə xatirə hədiyyələri verildi.