Abşeron rayon İcra Hakimiyyəti başçısının Ərazi İdarəetmə və yerli özünüidarəetmə orqanları ilə iş şöbəsinin müdiri Quluyev İlham Vəliqulu oğlu Abşeron rayon İcra Hakimiyyəti Başçısının 16 oktyabr 2015-ci il tarixli Sərəncamı ilə Abşeron rayon İcra hakimiyyəti başçısının müavini-Sosial-iqtisadi inkişafın təhlili və proqnozlaşdırılması şöbəsinin müdiri vəzifəsinə təyin olunub. Bu münasibətlə İlham Quluyevi səmimi qəlbdən təbrik edir, ona cansağlığı və gələcək işlərində yeni-yeni nailiyyətlər arzu edirik.
Quluyev İlham Vəliqulu oğlu 10 yanvar 1976-cı ildə Laçın rayonunun Bülüldüz kəndində anadan olmuşdur. 1983-cü il ildə Laçın rayonunun Bülüldüz kəndində birinci sinifə getmiş, məcburi köçkünlüklə əlaqədar 1993-cü ildə XI sinifi Bakı şəhərində bitirmişdir. 1993-1997-ci illərdə Azərbaycan Dövlət İqtisad İnstitutunun Maliyyə-kredit fakultəsində təhsil almışdır. 2007-2010-cu illərdə isə Azərbaycan Respublikasının Prezidenti Yanında Dövlət İdarəçilik Akademiyasının “Dövlət və bələdiyyə idarəetməsi” ixtisasını bitirmişir.
1997-1998-ci illərdə Azərbaycan Respublikası Ədliyyə Nazirliyinin 6500 saylı hərbi hissəsində həqiqi hərbi xidmətdə olmuşdur. Dövlət qulluğunda ilk əmək fəaliyyətinə 2000-ci ilinin may ayında Laçın rayon Maliyyə şöbəsində Büdcə prqonozu bölməsinin rəisi kimi başlamışdır.
2006-cı ilin oktyabr ayında Laçın rayon İcra Hakimiyyəti başçısının Sosial-iqtisadi məsələlər üzrə müavini vəzifəsinə irəli çəkilmişdir.
lham Quluyev 2009-cu ilin iyun ayından 2013-cü ilin dekabr ayınadək Laçın rayon İcra Hakimiyyəti başçısının birinci müavini, 2013-cü ilin dekabr ayından isə Abşeron rayon İcra Hakimiyyəti başçısı aparatının Ərazi idarəetmə və yerli özünüidarəetmə orqanları ilə iş şöbəsinin müdiri vəzifələrində çalışmışdır.
Azərbaycan Respublikasının Prezidenti cənab İlham Əliyevin 22 iyun 2015-ci il tarixli Sərəncamı ilə “Dövlət qulluğunda fərqlənməyə görə” medalı ilə təltif edilmişdir.
2000-ci ildən Yeni Azərbaycan Partiyasının üzvüdür. Ailəlidir, 3 övladı var.
Baş redaktor: Şamo Əliyev