Heydər Əliyev Fondu Novruz bayramında da aztəminatlı ailələri yaddan çıxarmayıb. Bu məqsədlə Abşeron rayonunda ünvanlı sosial yardım alan 3000 ailəyə bayram sovqatı göndərilib. Dövlət Sosial Müdafiə Fondunun rayon şöbəsi tərəfindən bu gündən başlayaraq ailələrə baş çəkilir, bayram sovqatı təqdim olunub. 4 gün ərzində rayon mərkəzində və 15 yaşayış məntəqsində yaşayan aztəminatlı ailələrə bu həftə ərzində növbəlilik əsasında ərzaq payının paylanılması nəzərdə tutulur. Heydər Əliyev Fondunun prezidenti Mehriban Əliyevanın təşəbbüsü ilə həyata keçirilən layihə respublika üzrə ünvanlı sosial yardım alan bütün ailələri əhatə edir.
Fəridə Hüseynova -aztəminatlı: “Sağolsun dövlətimizi. Əziyyət çəkib hər bayram bizim süfrəmizi bəzəyirlər. Aztəminatlı ailələri heç vaxt yaddan çıxarmırlar. Təşəkkürümü bildirirəm bizi bayramlarda yad edənlərə”.
İlhamə Əliyeva -aztəminatlı: “Bizə pay göndərənlərin payı çox olsun. Keçən bayramda da, bu bayramda da ərzaq yardımı etdilər, uşaqlarımızı sevindirdilər. Azərbaycan xalqının bayramı mübarək olsun, başda prezidentimiz olmaqla”.
Şamo Əliyev