Mayın 6-da Xırdalan şəhər 6 saylı məktəbdə Ümummilli lider Heydər Əliyevin 94 illiyinə həsr olunmuş “Hər birimiz bir çiçək” adlı tədbir keçirdilər. Dövlət himini səsləndi.
Sözügedən təhsil mərkəzinin direktor müavini Lamiyə Həsənzadə çıxış edərərək bildirdi ki, Ümummilli Liderimiz Heydər ƏLiyevin 94 cü ildönümü respublikamızın hər yerində böyük təmtəraqla keçirilir. Rayonumuzda silsilə şəkildə dahi rəhbərin doğum günü qeyd olunur.
Uşaqlar dünyada hamı üçün əzizdir. Dünyanın hər yerində uşaqlara qayğı və uşaqların qorunması xüsusi əhəmiyyət kəsb edir. Təsadüfi deyil ki, Uşaqların Beynəlxalq müdafiəsi günü bütün dünyada keçirilir və hər bir ölkə, hər bir dövlət uşaqları qorumağı, uşaqları müdafiə etməyi özünün əsas vəzifəsi hesab edir..
Nəzərə alsaq ki, uşaqlar bizim gələcəyimizdir və ölkəmizin gələcəyi onların əlindədir, onların müdafiəsinə hamılıqla qoşulmaq bizim borcumuzdur. Direktor bu günlərdə ulu öndərin 94 illik yubleyi astanasında xalqımızın xilaskarının həyat və yaradıcılığından məlumat verdi. 1969-cu ilin 14 iyulunda Azərbaycana rəhbər seçilməsi Heydər Əliyevin məhz liderlik xüsusiyyətinin, dövlətçilik təcrübəsinin və təşkilatçılıq məharətinin növbəti etirafı və təsdiqi olmaqla yanaşı, milil intibahımızın bünövrəsinin qoyulması, Heydər Əliyevin isə tarixə Milli intibahımızın banisi kimi adını həkk etməsi ilə səciyyələndi. Fenomenal uzaqgörənliklə respublikamızın həm mənəvi-iqtisadi mühitini, həm də insan resurslarını müstəqilliyə hazırlayan Ulu Öndər Heydər Əliyev sistemli bir şəkildə milli inkişafın əsas istiqamətlərini müəyyənləşdirərək məqsədyönlü, düşünülmüş tədbirlər həyata keçirib.
Sonra Abşeron informasiya agentliyinin rəhbəri Anar Nağıyev çıxış edərək vurğuladı ki, “Azərbaycan xalqının Ümummilli Lideri Heydər Əliyevin Vətən və xalq qarşısındakı misilsiz tarixi xidmətlərindən danışaraq bildirib ki, Ümummilli Lideri mənsub olduğu xalqa bəxş edən günün özü də ümummilli önəm daşıyır.
Milli dövlətçiliyin inkişafını və qüdrətlənməsini təmin edən tarixi şəxsiyyətin həyatı və fəaliyyəti bu tarixin özü ilə eyniləşir, bu dövrün başlıca mahiyyətini təşkil edir. Heydər Əliyev çağdaş Azərbaycanın tarixinin yönünü və məzmununu müəyyən etməklə zamanın fövqünə yüksəlib, əbədiyyət qazanıb. O, xalqının taleyində dönüş yaradaraq ölkəsini tənəzzüldən tərəqqiyə qovuşdurub.
Ümummilli liderimiz Heydər Əliyev öz ali liderlik keyfiyyətləri ilə dünyanın siyasi elitasının ən uca zirvəsində qərarlaşan nəhəng şəxsiyyət idi. O, təkcə öz ömrünün müdriklik zirvəsində deyil, həm də bütöv bir xalqın tarixinin yüksək zirvəsində idi. Heydər Əliyev Azərbaycanın tarixi keçmişini bərpa edib, milli-mənəvi irsini, dəyərlərini özünə qaytarıb, milli adət-ənənələrini yaşadıbdır. O, xalqa və vətənə sonsuz sevgisi, dövlətçiliyə hədsiz sədaqəti ilə indiki və gələcək nəsillərə örnək ola biləcək bir fəaliyyət nümunəsi, ölkəmizin davamlı inkişafının uzunömürlüyünü təmin edən təkmil irs, siyasi məktəb miras qoyubdur.
Sonra məktəbin ibtidai sinif müəlliməsi Vəfa Məhərrəmovanın təkilatçılığı ilə hazırlanan şagidlərin iştirakı ilə tədbir başlandı. Azərbaycanın xalq artisi Zeynab Xanlarovanın Azərbaycan mahnısı ilə şbirincilər səhnəyə gəldilər. Tıq- tıq xanım, Qırmızı papaq, həriflərin söhbət, rəqəmlərin dialoqu və s. səhnəciklər təqdim olundu. Əlifba, riyaziyyat, ana dilim adlı şerlər səsləndi. Milli geyimdə olan birincilər mütəlif rəqs parçaları ilə tədbir iştirakçıları tərəfindən alqışlandı.
Tədbirin sonunda birincilərin arasında yüksək bal toplayan, məktəb və müxtəlif kurslarda iştiak edib seçilənlərə Aysel Musayeva, Nihat Quliyev, Röya Atakişiyeva, Mehrac Sadıqov, Dilbər Babayeva, Duyğu Nizaməddinli, Tuqay Heseyinliyə mükafatlar təqdim olundu. Birincilərin sevinci həvəslə öyrəndikləri elmlər barədə biliklərini bölüşməsi maraqla izləndi. Tədbir müsiqi nömrələri şən rəqslərlə davam etdi.