Sentyabrın 18-də Xırdalan şəhərindəki 1 nömrəli körpələr evi-uşaq bağçasında “Milli Musiqi günü” münasibətilə tədbir keçirildi.
Tədbir ilk öncə musiqisi böyük bəstəkarımız Üzeyir Hacıbəyliyə aid olan Azərbaycanın Dövlət Himni ilə başladı.
Toplantıda çıxış edən bağçanın müdiri Vüsalə Məşədiyeva qeyd etdi ki, XX əsrin klassik bəstəkarı Üzeyir Hacıbəyli dünyada ilk dəfə Şərq və Avropa müsiqisi arasında sintez yaratmış dahidir. Cüzeppe Verdi İtalyada, Pyotr Çaykovski Rusyada, tibbdə Hipokrat hansı səviyyədədirsə, müsiqi və operada da Üzeyir bəy onlar qədər klassik bir simadır.
Daha sonra Üzeyir Hacıbəyli və Azərbaycan musiqisinin tarixi haqqında məlumat verildi. Bayram şənliyində böyük qrupun iştirakı ilə dahi bəstəkarın “Arşın mal alan” operettasından səhnələr göstərildi, mahnı və rəqslər ifa olundu.
Şamo Əliyev
