15 saylı Körpələr evi-uşaq bağçasının müdiri Mətanət Novruzova tədbiri giriş sözü ilə açaraq müəllimləri və tərbiyəçiləri peşə bayramı günü münasibəti ilə təbrik edib. M.Novruzova respublikada təhsilin maddi-texniki bazasının möhkəmləndirilməsi istiqamətində görülən işlərdən danışaraq son illərdə Abşeronda təhsil sistemində qazanılan uğurları məhz bu sahəyə rayon rəhbəri tərəfindən göstərilən diqqət və qayğının nəticəsi kimi dəyərləndirib.
Toplantıda çıxış edən Abşeron rayon İcra Hakimiyyətinin əməkdaşları Samirə İsmayılzadə və Elnarə Umayeva Ulu öndərimiz Heydər Əliyevin Azərbaycan təhsilinə olan diqqət və qayğısından danışaraq, Azərbaycan Respublikasının Prezidenti cənab İlham Əliyevin səyləri nəticəsində son illər ərzində respublikamızda tikilən və əsaslı təmir olunan təhsil müəssisələri, təhsil işçilərinin sosial müdafiəsinin möhkəmləndirilməsi istiqamətində atılan addımlar, Azərbaycan təhsilinin inkişafında böyük rolu olan Azərbaycan Respublikasının Birinci vitse-prezidenti Mehriban Əliyevanın gördüyü işlər və keçən təhsil ilində rayonun təhsil müəssisələrinin uğurları barədə məlumat veriblər.
Çıxışlardan sonra 15 saylı körpələr-evi uşaq bağçasının balaca fidanlarının iştirakı ilə “Müəllim ömrü” adlı bədii kompozisiya nümayiş edilib.
