Cənab İlham Əliyevin prezident seçkilərində böyük üstünlüklə qələbəsi münasibəti ilə Abşeron rayonunda bayram konsert-mitinqi, möhtəşəm avtomobil yürüşü və atəşfəşanlıq oldu.
Abşeronda seçki məntəqələrinin bağlanışından sonra, səsvermənin yekunu olaraq «İlhamla irəli», «İlhamla davam», «Yaşasın Azərbaycan», «Daha güclü Azərbaycan» şüarları ilə yürüş və bayram konsert-mitinqi keçirildi. Mitinqdə 1000 nəfərə yaxın rayon sakini iştirak edirdi.
Yeni Azərbaycan Partiyası (YAP) Abşeron rayon təşkilatının sədri Bilman Vəliyev çıxış edərək «Hər zaman hər yerdə sizinləyik, cənab Prezident!» «Bizim gücümüz birliyimizdədir!» «İlhamla irəli», «İlhamla davam», «Yaşasın Azərbaycan», «Xalqın səsi-cənab İlham Əliyevin qələbəsidir», «Cənab İlham Əliyev hər bir Azərbaycan vətəndaşının Prezidentidir» şüarları səsləndirərək bayram münasibətilə tədbir iştirakçılarını təbrik etdi.
Əllərində Azərbaycanın və Yeni Azərbaycan Partiyasının bayraqlarını dalğalandıran mitinq iştirakçıları birlik və həmrəylik şüarları səsləndirdilər. Abşeron sakinləri alqış sədaları ilə Yeni Azərbaycan Partiyasının qələbəsini qeyd etdilər.
Daha sonra tədbir tanınmış incəsənət xadimlərinin ifasında konsert proqramı ilə davam edib.
Xalqımız öz Prezidentini seçdi. Cənab İlham Əliyevin prezident seçkilərində böyük üstünlüklə qələbəsi münasibəti ilə Abşeron rayonunda Azərbaycan və Yeni Azərbaycan Partiyasının bayraqları ilə, «İlhamla irəli» şüarları ilə bəzədilən möhtəşəm avtomobil yürüşü də keçirildi. Yürüşə öz avtomobili ilə qatılan vətəndaşlar rayon ərazisində hərəkət edərək qələbəni bayram etdilər.