İyunun 6-da Xırdalan şəhərində yerləşən Heydər Əliyev Mərkəzində “Tarixin izi” jurnalının təqdimat mərasimi keçirilib. İştirakçılar əvvəlcə Ulu Öndərin Xırdalan şəhərindəki Heydər Əliyev parkında ucalan abidəsini ziyarət edərək önünə gül dəstələri düzüblər.
Jurnalın təsisçisi Elçin Quliyev və jurnalının baş redaktoru Nuranə Gülər nəşr haqqında tədbir iştirakçılarına ətraflı məlumat veriblər.
Vurğulanıb ki, jurnalın ilk nömrəsində oxucuların marağına səbəb olacaq bir-birindən maraqlı yazılar işıq üzü görüb.
Abşeron Rayon İcra Hakimiyyəti başçısının müavini Fuad Cəbrayılov, Azərbaycan Respublikası Şəhid, Əlil və Veteranlar birliyinin təsisçisi,Qarabağ qazisi Rövşən Quliyev, rayon Ağsaqallar şurasının sədri Nadir Ağayev, rayon Gigiyena və Epidemiologiya Mərkəzinin direktoru Məhərrəm Abdulov, Azərbaycan Yazıçılar Birliyinin Abşeron bölməsinin sədri yazıçı-publisist Şəhla Ağbulud və başqaları çıxış edərək jurnal barədə öz fikirlərini bölüşüb və yaradıcı kollektivə uğurlar arzulayıblar.