Yazın gəlişini simvolizə edən qədim xalq bayramı olan Novruz Abşeron rayonunun bütün kənd qəsəbələrində böyük coşqu ilə qeyd edilir.Abşeron rayon icra hakimiyyətinin başcısı cənab Zakir Fərəcovun təşəbbüsü və təkilatçılığı ilə bir-birindən maraqlı el şənlikləri təşkil olunur.Elə Masazır kəndində olduğu kimi.
Elimizin sevimli bayramı olan Novruz bayramı Masazır kəndində Əlincə idman klubunun satdiyonunda yüksək təntənə ilə qeyd edildi.Təşkil edilən bayram tədbirində Rayon İcra Hakimiyyətinin rəsmiləri, hüquq mühafizə orqanlarının nümayəndələri və yerli sakinlər iştirak ediblər. Mərasimdə Abşeron Rayon İcra Hakimiyyətinin başçısı Novruz bayramı münasibəti ilə Masazır sakinlərini təbrik etdi və bayram tonqalını yandırdı.
Daha sonra bayram personajları Kosa və Keçəl öz duzlu-məzəli zarafatları ilə məclisə rəng qatıb, rayon sakinlərini əyləndirdilər.
Meydanda gənc idmançılar güc və bacarıqlarını nümayiş etdirdilər. Bayram tədbiri gənc musiqi kollektivinin və tanınmış incəsənət ustalarının bir-birindən maraqlı musiqi nömrələri ilə davam etdi.