18 may Laçın rayonun Ermənistan Silahlı Qüvvələri tərəfindən işğalının 22-ci ildönümü ilə əlaqədar olaraq Xırdalan şəhər 2 saylı orta məktəbində “Laçınsız 22 il” adlı tədbir keçirildi.
Tədbiri giriş sözü ilə açan məktəbin direktoru Ədalət xanım Laçın rayonunun işğalından və dövlətimizə dəyən maddi, mənəvi zərərdən söz açaraq erməni işğalı nəticəsində bir milyondan artıq vətəndaşımızın hüquqlarının pozulduğunu xüsusi vurğuladı.
Sonra çıxış edən Abşeron rayon icra hakimiyyətinin işçisi,Abşeron rayonu YAP GB-nın sədri Elgün Hümbətov rayonun işğal tarixindən danışaraq geniş nitq söylədi. O qeyd etdi ki, Laçın rayonu 1924-cü ildə təsis edilib. Rayon kimi yaranma tarixi 08 avqust 1930-cu ildir. Ərazisi 1 tam yüzdə 84 min km2, əhalisininin sayı 72,0 min(01.10.2012) nəfərdir. Laçın rayonunda 1 şəhər(Laçın), 1 qəsəbə(Qayğı), 123 kənd vardır. Laçın rayonunun 200-ə yaxın tarix mədəniyyət və memarlıq abidələri, onlarla kurqan, qala tipli arxeologiya baxımından faydalı olan abidələr, çoxlu sayda qəbirüstü abidələr, stellalar, at, qoç fiqurları, süjetli daşlar, eləcədə bu ərazi çoxlu təbii sərvətləri, qiymətli mineral suları ilə zəngin bir ərazi olmuşdur ki, 1992-ci ilin may ayının 18-dən Ermənistan Respublikasının işğalı altındadır. BMT-nin işğalla bağlı məlum qətnaməsinə baxmayaraq Dünya ictimaiyyəti Laçının işğalına 22 ildir ki biganə yanaşır.
Sonra çıxış edən Abşeron rayon gənclər və idman idarəsinin rəisi Əsgər Əmirəliyev qeyd etdi ki, Prezident İlham Əliyevin 2011-ci il dekabrın 24- də 50 illik yubileyini məhz Ağcabədi rayonunun Taxtakörpü qəsəbəsində böyük şəhərciyin açılışı ilə keçirməsini onun laçınlılara olan qayğısı kimi qiymətləndirib.
Daha sonra çıxış edən Abşeron Xəbər informasiyya portalının baş redaktoru Şamo Əliyev 20-ci əsrin əvvəlində ermənilərin həm Anadolu, həm də Azərbaycan torpaqlarında, 20-ci əsrin sonunda müasir dünyanın gözləri qarşısında Ermənistanın işğal etdiyi Azərbaycan torpaqlarında törətdiyi qətliamlar, soyqırımlardan danışıdı və bildird ki, düniyanın bəzi ölkələri var ki, gerçəkləri görmək istəmir və qondarma erməni soyqırımı ilə bağlı qərarlar qəbul edirlər. Bu yalanların qarşısının alınmasının tək bir yolu – birlikdə mübarizəmizi daha da gücləndirmək və həqiqətləri dünyaya birlikdə daha da geniş yaymaqdır.
"Laçın Əzəli Yurdum" adlı filim izləndikdən sonra ,tədbir Laçının işğalı ilə bağlı təşkil edilmiş ədəbi-bədii kompozisiya ilə başa çatdı