Bu gün Abşeron Rayon İcra Hakimiyyətinin təşkilatçılığı ilə şəhid Abdullayev Nurid Çingiz oğluna il mərasimi keçirilib. Mərasim Evində baş tutan “ildə” Abşeron RİH başçısı İradə Gülməmmədova, rayonun hüququ-mühafizə orqanlarının, təhsil, səhiyyə və digər dövlət təşkilatlarının rəhbərləri, hərbçilər, keçmiş döyüşçülər, ehtiyatda olan zabitlər və rayon ictimaiyyəti iştirak edib.
Mərasimdə şəhidin ruhuna dualar oxunub, döyüş yolundan danışılıb, ehsan verilib.
Qeyd edək ki, Abşeron RİH-i tərəfindən əşəhid N.Abdullayevin ailəsinin problem və qayğıları ilə daim diqqət mərkəzində saxlanılır, onlara lazimi köməkliklər göstərir. Rayon rəhbərinin tapşırığı ilə Hökməli qəsəbəsi ərazisində məskunlaşmış şəhid ailəsinin yaşadığı evə 400 metr məsafədən içməli su xətti çəkilib. Eyni zamanda, şəhidin qəbirüstü abidəsi mərmərdən hazırlanıb, ətrafı abadlaşdırılıb.
Allah bütün şəhidlərimizə rəhmət eləsin!