2017-ci ilin dekabrın 11-də Abşeron Rayon İcra Hakimiyyətinin başçısı İradə Gülməmmədovanın təşəbbüsü ilə facebookda yaradılan “Milli Amal” qrupunun 2 yaşı tamam olur. Bu münasibətlə RİH tərəfindən qrupun aktiv üzvləri ilə görüşlərin keçirilməsinə başlanılıb.
Facebookun verdiyi statistik məlumatlara əsasən qrupun sayça ən çox aktiv üzvləri , paylaşımları və rəyləri rayonun Novxanı qəsəbə 1 nömrəli tam orta məktəbin kollektivi tərəfindən olduğu üçün ilk görüş məhz adı qeyd edilən məktəbdə baş tutub.
Toplantıda Abşeron rayon İcra hakimiyyəti başçısının müavini- İctimai-siyasi və humanitar məsələlər şöbəsinin müdiri Fuad Cəbrayılov, Abşeron Təhsil Şöbəsinin müdiri Nazilə Məmmədova, RİH-nin əməkdaşları, “Milli Amal” qrupunun Novxanı məktəbində olan aktiv üzvləri iştirak ediblər.
“Milli Amal” qrupunun rayon rəhbərliyinin təşəbbüsü ilə yaradıldığını qeyd edən başçının müavini bildirib ki, qrupun məqsədi və amalı Cənab Prezidentin gördüyü işləri, İlham Əliyevin ölkənin inkişafını təmin edən daxili və xarici siyasətini, Ümummilli lider Heydər Əliyevin Azərbaycan üçün gördüyü işləri, ölkədə aparılan abadlıq-quruculuq və yenidənqurma işlərini, Heydər Əliyev Fondunun xeyriyyəçilik fəaliyyəti və bu istiqamətdə gördüyü işləri, Azərbaycanın Birinci vitse-prezidenti Mehriban xanım Əliyevanın həyata keçirdiyi layihələr, gördüyü işləri, eləcədə rayon ərazsində aparılan abadlıq quruculuq işlərini təbliğ və təşviq etməkdir.
F.Cəbrayılov həmçinin son illər Abşeron RİH başçısı İradə Gülməmmədovanın rəhbərliyi altında görülmüş işlər haqqında məlumat verib, qarşıda duran vəzifələrdən danışıb .
Abşeron Təhsil Şöbəsinin müdiri Nazilə Məmmədova qrupun mahiyyətindən danışaraq vurğulayıb ki, qrupda digər təşkilatlarla yanaşı təhsil işçilərinində böyük əməyi vardı. Rayonun təhsil işçiləri mütamadi olaraq qrupda təhsil sahəsində qazanılmış uğurlarla yanaşı , ölkə və rayon ərazsində görülmüş işləri də təbliğ edirlər.
Beleə bir ilk görüşün məhz onların məktəbində keçirilməsindən məmunluğunu dilə gətirən Novxanı kənd 1 nömrəli tam orta məktəbin direktoru Taliyyə Mirzəyeva qeyd edib ki, rayon haqqında məlumatların “Milli Amal” qrupundan alınması çox əhimiyyətlidir. T.Mirzəyeva bildirib ki, müəllimlərin adı çəkilən qrupda rayon haqqında , ümumi tədbirlər haqqında, həmdəki vətənimizi , dövlətimizi təbliğ edən, milli məfkurəmizi tərənnüm edən mövzularda paylaşım etməsi gənc nəsilində müsbət yöndə tərbiyyə olunmasında xüsusi əhəmiyyət daşıyır.
Daha sonra qrupun məktəbdə olan aktiv üzvlərinə təhsil şöbəsinin fəxri fərman və qiymətli hədiyyələri təqdim olunub.