Prezident İlham Əliyevin sərəncamıına uyğun olaraq xalq yazıçısı Nəbi Xəzrinin 90 illik yubileyi münasibəti ilə Abşeronda tədbir keçrilib.
Xırdalandakı Heydər Əliyev Mərkəzində Nəbi Xəzrinin 90 illik yubileyi münasibəti ilə Masazır kənd 3 saylı tam orta məktəbin şagird və müəllim kollektivinin təşkilatçılığı ilə tədbir keçirilib.Nəbi Xəzrinin çoxşaxəli yaradıcılıq yolu keçdiyini deyən Abşeron Rayon İcra Hakimiyyəti başçısının 1 ci müavini Iradə Gülməmmədova bildirib ki,Azərbaycan ədəbiyyatı tarixində xüsusi və mühüm bir mərhələni təşkil edən XX əsrin milli ədəbi-mədəni mühitində müstəsna yer tutan, ədəbi-bədii proseslərin istiqamətləndirilməsində və inkişafında əlamətdar rolu olan görkəmli tarixi şəxsiyyətlərdən biri də şair, dramaturq, nasir, publisist kimi çoxcəhətli bir yaradıcılıq yolu keçən, özündən sonra olduqca maraqlı bir irs qoyub gedən Nəbi Xəzridir.Masazır kənd 3 saylı tam orta məktəbin direktoru Səidə Kəlbəliyeva bildirib ki,Azərbaycan gerçəkliyinin ictimai-siyasi, mənəvi-psixoloji mənzərəsini, tariximizin bir çox olaylarını, müasirlərimizin duyğu və düşüncələrini əks etdirən NəbiXəzri ədəbiyyat və mədəniyyət tariximizdə öz işıqlı düşüncə və əməlləri ilə müasirlərinə və özündən sonrakı nəsillərə əhəmiyyətli dərəcədə təsir edəngörkəmli sənətkardır. Dövlət başçısının sərəncamı ilə Nəbi Xəzrinin 90 illik yubileyinin keçrilməsi haqqında sərəncamı ölkəmizdə ədəbiyyata,sənətə dövlət qayğısı kimi qiymətləndirilib və rayon ziyalılarbu qayğıya görə ölkə başçısına minnətdarlıq edib. Tədbirdə Masazır 3 saylı tam orta məktəbin müəllim və şagirdləri şairin şerlərindən parçalar səsləndirib,respublikanın tanınmış incəsənət ustaları yazıçının şerlərinə bəstələnmiş mahnılar ifa ediblər.Sonda şairin həyat və yaradıcılığından bəhs edən film nümayiş olunub.
Baş redaktor: Şamo Əliyev
