Abşeron rayon İcra Hakimiyyətinin başçısı İradə Gülməmmədova güclü külək nəticəsində dam örtüyü uçan, Xırdalan şəhər 28-ci məhəllədə yerləşən 26 saylı binanın sakinləri ilə görüşüb
Ərazidəki vəziyyətlə tanış olan rayon rəhbərinə məlumat verilib ki, güclü külək Xırdalan şəhər 28-ci məhəllədə yerləşən 26 saylı binanın dam örtüyünü uçurub, külək, həmçinin bəzi ərazilərdə ticarət köşklərinin də dam örtüklərini uçurub. Bir sıra yerlərdə ağacların da budaqları küləyin təsirindən qırılıb.
İ.Gülməmmədova məsələlərin həlli istiqamətində aidiyyatı qurumların rəhbərlərini əraziyə dəvət edib, təxirəsalınmaz tədbirlərin görülməsi üçün müvafiq tapşırıqlar verib.
Sakinlər bu cür görüşlərin çox effektli olduğunu, qaldırılan problemlərin həll edildiyini önə çəkiblər.
Sakinlər tərəfindən qaldırılan məsələlərin mümkünləri yerindəcə həll olunub, müəyyən vaxt və vəsait tələb edən digər məsələlərin həlli istiqamətində isə müvafiq tapşırıqlar verilib.
