Abşeron rayon İcra Hakimiyyətinin təşkilatçılığı və RİH-də təcrübə keçən könüllülərinin təşəbbüsü ilə təmizlik aksiyası keçirilib.40-a yaxın könüllünun üştirak etdiyi “Trashtag” layihəsi çərçivəsində Qobu-Hökməli yolunun ətrafında səliqə-sahman yaradılmasına ehtiyac olan sahədə təmizlik işləri aparılıb, böyük bir ərazini tullantılardan təmizlənilib. “Təmiz təbiət, sağlam həyat!” devizi ilə keçirilən layihənin məqsədi insanları təbiətə qarşı daha diqqətli və qayğıkeş olmağa, tullantıları düzgün idarə etməyə dəvət etməkdir.
Aksiya zamanı gənclər karantin dövrünün tələblərinə uyğun olaraq qoruyucu vasitələrdən istifadə ediblər.
Qeyd edək ki, Abşeron rayonunda ətraf mühiti qorumaq, eləcə də insanların ətraf mühitin mühafizəsinə münasibətini dəyişmək, ictimaiyyəti ekoloji problemlərin həllinə yönəltməklə təbiəti qorumağın vacibliyini diqqətə çatdırmaq məqsədilə bu cür aksiyalar mütəmadi olaraq keçirilir.
