Absheron Media
Haqqımızda Bizimlə əlaqə

Prezident İlham Əliyev: “Biz baş vermiş hadisələrə yekun vurmaq əzmindəyik”

Tarix:12-01-2021, 16:15
Baxış Sayı:42

Prezident İlham Əliyev: “Biz baş vermiş hadisələrə yekun vurmaq əzmindəyik”

Azərbaycan öz maraqlarını növbəti dəfə təmin etdi. Yanvarın 11-də Moskvada Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan arasında üçtərəfli görüşünün nəticələrinə nəzər saldıqda əminliklə deyə bilərik ki, rəsmi Bakı bütün tribunalarda xaqımızın maraqlarını ən yüksək səviyyədə qoruyur.
Görüşün məqsədi 2020-ci il noyabrın 10-da Dağlıq Qarabağa dair imzalanmış üçtərəfli bəyanatın reallaşdırılmasının gedişini, mövcud problemlərin aradan qaldırılmasına və regionda dinc həyatın qaydaya salınmasına dair sonrakı addımları birlikdə müzakirə etmək olub. Qeyd edək ki, 10 noyabr üçtərəfli bəyanatının videoformat şəklində imzalandığını və bununla bağlı təmasların telefon danışıqları ilə baş tutduğunu nəzərə alsaq, bu, Vətən Müharibəsində Azərbaycanın tarixi zəfəri və Ermənistanın hərbi kapitulyasiyasından sonra üç ölkə liderinin ilk birbaşa danışıqları idi.AzərbaycanRusiyanın tərəfdaşlıq və mehriban qonşuluq jestlərini qiymətləndirərək görüşdə iştiraka razılıq verib.Rusiya tərəfi üçtərəfli razılaşmalara əməl olunmasına görə Azərbaycan tərəfinə minnətdarlıq ifadə edib.Görüşün yekunu olaraq bölgədəki vəziyyətin inkişafına dair birgə bəyanat imzalanıb. Bəyanata görə, tərəflər 10 noyabr bəyanatının regiondakı bütün iqtisadi və nəqliyyat kommunikasiyalarının açılmasını nəzərdə tutan 9-cu bəndinin həyata keçirilməsinə dair üçtərəfli işçi qrupun yaradılması barədə razılıq əldə ediblər. Azərbaycan, Ermənistan və Rusiyanın baş nazir müavinlərinin rəhbərlik edəcəyi işçi qrup yanvarın 30-dək ilk iclasını keçirəcək, fəaliyyət istiqamətləri üzrə ekspert alt qrupları yaradacaqlar. Dövlət orqanlarının səlahiyyətli nümayəndələrindən təyin olunacaq ekspertalt qrupları bir ay ərzində layihələri, eləcə də onların icrası üçün lazımi resurs və tədbirlərin siyahılarını təqdim edəcəklər.

“Dağlıq Qarabağ münaqişəsi keçmişdə qalıb”

Moskvada Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan arasında imzalanan üçtərəfli bəyanatdan da görünür ki, görüş Azərbaycanın maraqları çərçivəsindən kənara çıxmayıb. Azərbaycan hərb meydanında olduğu kimi diplomatik arenada da, müzakirələrdə də üstün mövqedədir və bu qalibiyyəti güzəştə getmək niyyətiyoxdur. Prezidentin görüşdən sonra verdiyi bəyanatda səsləndirdiyi əsas müddəlara diqqət edək:
• Kommunikasiyaların bərpası Azərbaycan, Ermənistan, Rusiya və digər region dövlətlərinin maraqlarına cavab verir;
• Beynəlxalq kommunikasiyaların bərpası regionun inkişafında dinamizm yaratmaqla bərabər, həm də etibarlı təhlükəsizliyə xidmət edəcək;
• Dağlıq Qarabağ konflikti keçmişdə qalıb və indi gələcək haqqında düşünmək lazımdır.

Prezident İlham Əliyev bildirib ki, regionun bundan sonrakı davamlı və təhlükəsiz inkişafını təmin etmək üçün görüş çox vacib idi. “Biz nəticə əldə etmək, sentyabrda - noyabrda baş vermiş hadisələrə yekun vurmaq əzmindəyik. Qonşu ölkələr dəregionda nəqliyyat dəhlizlərinin və nəqliyyat arteriyalarının şaxələndirilmiş şəbəkəsinin yaradılmasına fəal qoşulacaqlar”.

Qapalı görüşdə əldə olunan diplomatik naliyyətlər...

Azərbaycan tərəfi qapalı görüşdə istədiyinə nail olub. Ortaq bəyanatın mətni – humanitar və kommunikasiya məsələləri ilə bağlı üçtərəfli işçi qrupunun yaradılması da bunu təsdiqləyir: Bakının şərtləri qəbul edilməsəydi, üçtərəfli əməkdaşlıq formatı olmayacaqdı.Azərbaycan tərəfinin görüşdən əvvəl irəli sürdüyü və yeni bəyanatla təsbit olunmuş tələblər regional sabitliyi və təhlükəsizliyi möhkəmlətməyə xidmət edir.
Bu, faktiki olaraq “Mehri dəhlizi” - Naxçıvana, daha sonra Türkiyəyə dəmir yolunun açılması üzrə işlərin başlaması deməkdir. Açılacaq kommunikasiya xətləri “Şərq-Qərb” nəqliyyat dəhlizinin tərkib hissəsi olacaq.Azərbaycanın öz eksklavı olan Naxçıvan Muxtar Respublikası ilə, həmçinin Tükiyə ilə əlaqələri güclənəcək, ölkəmizin geoiqtsadi əhəmiyəti artacaq.Prezident açılacaq kommunikasiya xətlərinin region ölkələrinin hamısı üçün əhəmiyyətini vurğulamaqla irəli sürdüyü altıtərəfli əməkdaşlıq formatı təklifinin qüvvədə olduğunu xatırlatmış oldu.
Xüsusi qeyd etmək gərəkdir ki, Ermənistan müxalifəti və Rusiyadakı erməni lobbisi görüşün pozulmasına çalışır, Paşinyanı görüşə gəlməməyə çağırırdı.Paşinyan hökuməti də erməni cəmiyyətinin itmiş nüfuzunu bərpa etmək üçün Moskva danışıqlarında maksimum nəticə əldə etmək, bu, mümkün olmadıqda danışıqları pozmaq istəyirdi.Erməni diplomatiyası Minsk qrupu formatında danışıqların bərpasında maraqlıdır, bu məqsədlə görüş barədə Fransa prezidenti Makrona xəbər sızdırılmış, görüşün Rusiyanın yarıməxfi şəkildə keçirmək cəhdləri əngəllənmişdi.

Paşinyanın məğlub etirafları və mənasız çabaları ...

Paşinyan administrasiyası kommunikasiya xətləri ilə bağlı Azərbaycanın təşəbbüsünün qarşısını almağa can atır, bunun əvəzinə 10 noyabrdan sonra ələ keçirilmiş erməni diversantlarının-terrorçularının azad olunması məsələsini qabardırdı.Lakin bu cəhdlər heç bir səmərə vermədi, Azərbaycan diplomatik danışıqlarda da bir daha üstünlük qazandı, danışıqların məcrasını öz istədiyi istiqamətə yönəltdi. Yəni Azərbaycan hərb meydanında qazandığı zəfəri diplomatik masada, danışıqlar prosesində davam etdirir. Paşinyanın iddiaları fonunda Moskva görüşünü Ermənistan üçün növbəti fiasko saymaq olar. O, mətbuata açıqlamasında erməni diversantlarını-terrorçularını azad etmək mümkün olmadığından görüşün nəticələrindən məyus olduğunu gizlətməyib.
İkinci Qarabağ müharibəsinədək 30 il ərzində aparılan danışıqlar Azərbaycan üçün nəticəsiz diplomatik prosedur idi. Qarabağ problemi hərbi yolla həllini tapdıqdan sonra artıq rollar dəyişib- Ermənistan özü üçün uğursuz və nəticəsiz danışıqlarda iştirak etməyə məcburdur.
Danışıqların gedişində və mətbuatkonfransı zamanı Azərbaycan Prezidenti özünü qalib dövlətin rəhbəri kimi aparır, “bədən dili” ilə də qalibiyyət mesajları verirdi.Paşinyan isə öz məğlub ampluasında, gərgin psixoloji vəziyyətdə idi.

Müxalifətin görüş ətrafında qaldırdığı ajiotaj nəyə hesablanıb?

Azərbaycanın radikal müxalifətinin görüş ətrafında qaldırdığı ajiotaj da diqqət çəkdi.Paşinyan da Minsk qrupu formatının bərpasına çalışır, Azərbaycan müxalifəti də.Radikal müxalifət iddia edirdi ki, Azərbaycana yeni güzəştlər qəbul etdiriləcək, Rusiya hərbi mövcudluğunu gücləndirəcək. Halbuki rus mediası Azərbaycan tərəfinin öz milli maraqlarını sonacan müdafiə etdiyini, 10 noyabr razılşamasının ruhuna zidd heç bir şərti qəbul etmədiyini təsdiqlədi.Görüşün yekunları bir qrup antimilli elementin qazanılmış qələbənin əhəmiyyətini kiçiltmək cəhdlərinin puçluğunu bir daha ortaya qoydu.

20 Yanvar hadisələrində şəhid olan insanların ailələri və əlillərlə görüş keçirildi
20 Yanvar hadisələrində şəhid olan insanların ailələri və əlillərlə görüş keçirildi
İradə Gülməmmədova əsaslı şəkildə yenidən qurulan Əbdüləli Mürsəlov küçəsinə baxış keçirdi
İradə Gülməmmədova əsaslı şəkildə yenidən qurulan Əbdüləli Mürsəlov küçəsinə baxış keçirdi
Azərbaycan-Türkiyə Birgə Media Platforması formalaşdırmaq üçün işçi komissiya yaradılacaq
Azərbaycan-Türkiyə Birgə Media Platforması formalaşdırmaq üçün işçi komissiya yaradılacaq
“Təmizləmə prosesi gedir və gedəcək, hər kəs bunu bilsin”
“Təmizləmə prosesi gedir və gedəcək, hər kəs bunu bilsin”
İradə Gülməmmədova şəhid ailələri ilə görüşdü
İradə Gülməmmədova şəhid ailələri ilə görüşdü
Xırdalanda yeni inşa edilən nasos stansiyasına baxış keçirilib
Xırdalanda yeni inşa edilən nasos stansiyasına baxış keçirilib
Prezident Şuşaya getdi - Video + Fotolar
Prezident Şuşaya getdi - Video + Fotolar
Saray qəsəbəsində kanalizasiya xətti çəkilir – İradə Gülməmmədova əraziyə gəldi
Saray qəsəbəsində kanalizasiya xətti çəkilir – İradə Gülməmmədova əraziyə gəldi
Abşeron rayon İcra Hakimiyyətinin başçısı İradə Gülməmmədova Sarayda sakinlərlə görüşdü
Abşeron rayon İcra Hakimiyyətinin başçısı İradə Gülməmmədova Sarayda sakinlərlə görüşdü
Məktəblərdə dərslər ənənəvi qaydada keçiriləcəkmi? - RƏSMİ AÇIQLAMA
Məktəblərdə dərslər ənənəvi qaydada keçiriləcəkmi? - RƏSMİ AÇIQLAMA
Mehriban Əliyeva Zəfər muzeyi ilə bağlı tapşırıq verib
Mehriban Əliyeva Zəfər muzeyi ilə bağlı tapşırıq verib
Azərbaycan əhalisinin sayı açıqlandı
Azərbaycan əhalisinin sayı açıqlandı
Prezident qəbul keçirdi
Prezident qəbul keçirdi
Abşeron RİH əməkdaşları qazi Ruslan Əliyevə baş çəkdi
Abşeron RİH əməkdaşları qazi Ruslan Əliyevə baş çəkdi
Prezident İlham Əliyev: “Biz baş vermiş hadisələrə yekun vurmaq əzmindəyik”
Prezident İlham Əliyev: “Biz baş vermiş hadisələrə yekun vurmaq əzmindəyik”
“Peyvəndlənmədən sonra yoluxma riski qalır, lakin... ” - professordan ilginc açıqlama
“Peyvəndlənmədən sonra yoluxma riski qalır, lakin... ” - professordan ilginc açıqlama
"Bu arzuma "Qarabağ"da çatdım" - Pedro Enrike
Pakistan dərman şirkətləri Azərbaycana istehsal qurmağa dəvət edilib
Pakistan dərman şirkətləri Azərbaycana istehsal qurmağa dəvət edilib
Vətən müharibəsindən qayıdan hərbçilərlə bağlı komissiya işə başlayıb
Vətən müharibəsindən qayıdan hərbçilərlə bağlı komissiya işə başlayıb