Azərbaycan Respublikasının Prezidenti cənab İlham Əliyevin tapşırığına uyğun olaraq 2015-ci ilin fevral ayının 2-dən may ayının 1-dək əhalinin pulsuz olaraq tibbi müayinədən keçirilməsinə başlanmışdır. Abşeron Rayon İcra Hakimiyyətində cənab Prezidentin tapşırığının icrası ilə bağlı operativ tədbirlər görülüb. Bu məqsədlə tədbirlər planı hazırlanıb, komissiya və işçi qrupu yaradılıb. Qeyd etmək lazımdır ki, əhalinin tibbi müayinədən keçirilməsi rayonun 4 tibb müəssisəsi tərəfindən həyata keçirilir. (Abşeron rayon Mərkəzi poliklinikası, Abşeron rayon uşaq poliklinikası,Saray qəsəbə xəstəxanası və Mehdiabad həkim ambulatoriyası ).
Qrafik əsasında rayon ərazisində fəliyyət göstərən səhiyyə ocaqlarında 314 min sakin və rayonda məskunlaşan məcburi köçkünlər pulsuz tibbi müayinədən keçəcək. 10 fevral tarixinə olan məlumata görə 26653 nəfər sakin pulsuz tibbi müayinədən keçmişdir. Baş redaktor: Şamo Əliyev
