Abşeronda Novruz Bayramı məktəblilərin təqdimatında turistlərə ingilis dilində təqdim olunub (Video,Foto)
Tarix:10-03-2015, 20:05
Abşeronda təhsil şöbəsinin təşkilatçılığı ilə xalqımızın qədim adət- ənənəsini özundə ehtiva edən Milli bayramımız olan Novruz orta məktəb şagirdlərinin təqdimatında əcnəbi turistlərə ingilis dilində təqdim olunub.Məqsəd milli irsimizi əcnəbilərə tanidmaq, tariximizin,soykökümüzun ta qədimlərə söykəndiyini onlara çatdırmaqdır. Xırdalan şəhər Heydər Əliyev Mərkəzində keçirilən bayram şənliyində əcnəbi qonaqlar,rayon ziyalıları,ictimaiyyət nümayəndələri və məktəb şagirdləri iştirak ediblər.Tədbirdə çıxış edən Rayon Təhsil Şöbəsinin müdiri Nadir Ağayev milli bayramımız olan Novruzun minilliklərin sınağından keçərək bu gün əsl birlik bayramına çevrildiyini və ulu öndər Heydər Əliyevin təşəbbüsü ilə ümumxalq bayramı kimi hər il böyük təntənə ilə qeyd olunduğunu xatırladıb. Qeyd olunub ki, Novruz bayramı hər bir azərbaycanlı üçün əziz bayramdır. Bu, hər bir insanın, hər bir vətəndaşın bayramıdır, ulu babalarımızdan əsrlərdən-əsrlərə keçib gəlmiş əziz bayramdır. Bu bayram həm adi insan bayramıdır, həm millət, həm xalq, həm də dövlət bayramıdır. Bu bayramı bütün başqa bayramlardan fərqləndirən cəhət bundan ibarətdir. Bu bayram əsrlərdən əsrlərə bizim milli, dini adət və ənənələrimizi yaşadıb bu günlərə gətirib çıxaran bayramdır. Buna görə də Novruz bizim ümumdövlət, ümummilli bayramımızdır, ümumxalq bayramımızdır. O da məlumdur ki, ümumxalq, ümumdövlət, ümumölkə amilləri hər bir insan ilə, hər bir vətəndaşla bir olanda bayram da daha yüksək səviyyəyə qalxır, insanlar da bir-biri ilə daha sıx ünsiyyətdə olurlar. Bu bayram bizim adət-ənənələrimizi əsrlər boyu yaşadıb bu günlərə gətirdiyi kimi, bu gün də bizi birləşdirir, daha da həmrəy edir, xalqımızda daha möhkəm birlik yaradır və birlik yaratmağa xidmət edir.
Mərasimdə yazın gəlişini bildirən və xalqımızın milli mənəvi dəyərlərini özündə əks etdirən müxtəlif oyunlar,zarafatlar,şən-şux mahnılar hamıda xoş ovqat oyadıb.Kosa ilə keçəlin duzlu məzəli zarafatları da xoş hisslər yaradıb.Pəhləvanların təqdim etdikləri çıxışlar böyük çoşqu ilə qarşılanıb.Bayram mərasimində folklor,musiqi kollektivləri,aşıqların və milli rəqs qruplarının çıxışları hər bir iştirakçını uzaq keçmişə aparıb.Adət-ənənələrimizin atributları bayram sevincinə sevinc qatıb,hamıda xoş ovqat yaradıb.Bütün bunlar məktəblilər tərəfindən ingilis dilində təqdim olunub. Qeyd edimki,Bayram tədbiri Təsil şöbəsinin xarici dil metodistləri Çinarə Sadıxova və Vüsalə Axundovanın təşkilatçılığı ilə ərsəyə gəlib