Abşeron Rayon İcra Hakimiyyətinin təşkilatçılığı ilə rayonun ərazisində yerləşən hərbi hissələrdə Novruz bayramı münasibəti ilə təşkil olunan silsilə bayram tədbirləri çərçivəsində daha bir hərbi hissədə bayram tədbiri keçirilmişdir. Abşeron Rayon İcra Hakimiyyətinin başçısının I müavini İradə xanım Gülməmmədova , Abşeron Rayon İcra Hakimiyyətinin başçısının müavini Faiq Kərimov , Abşeron rayon icra hakimiyyətinin şöbə müdiri İlham Quliyev, Aşağı Güzdək bələdiyyəsinin sədri Bəyağa Abbasov , hərbi hissənin komandiri və digər natiqlər də çıxış edərək, bayram münasibətilə hərbi hissənin şəxsi heyətini təbrik edib, onlara çətin və şərəfli xidmətdə - Vətənin müdafiəsində uğurlar arzulayıblar. Çıxışlarda Azərbaycanda ordu quruculnuğu sahəsində qazanılan uğurlardan bəhs edilib. Bildirilib ki, Ali Baş Komandan, Prezident İlham Əliyevin rəhbərliyi ilə günü-gündən qüdrətlənən Azərbaycan Ordusu Vətənimizin keşiyində ayıq-sayıq dayanaraq, öz müqəddəs missiyasını şərəflə və layiqincə yerinə yetirir. Silahlı qüvvələrimizin maddi-texniki bazası, müasir silahlarla təminatı və şəxsi heyətin döyüş ruhu onu deməyə əsas verir ki, ordumuz işğal altında olan torpaqlarımızı hər an azad etməyə hazırdır.
Abşeron Rayon İcra Hakimiyyətinin başçısı Zakir Fərəcovun bayram təbriki əsgərlərə çatdırılıb.Novruz tonqalı ətrafında təqdim edilən, Tanınmış mədəniyyət və incəsənət ustalarının hazırladıqları bayram konserti əsgərlər tərəfindən maraqla qarşılanmışdır.
Sonda əsgərlər üçün rayonun icra hakimiyyəti tərəfindən Novruz süfrəsi açılmış və şəxsi heyətə bayram sovqatları təqdim olunmuşdur.