Rusiyanın iqtisadi inkişaf naziri Maksim Oreşkin sabah Azərbaycana səfər etməlidir.
İqtisadiyyat Nazirliyinin məlumatına əsasən səfər aprelin 22-də baş tutacaq. Rusiyalı nazirin Azərbaycanlı həmkarı Şahin Mustafayevlə görüşəcəyi, ikitərəfli münasibətlərin inkişafı məsələlərini müzakirə edəcəyi bildirilir. Səfərin aprelin 23-də başa çatacağı gözlənilir.
Rusiyanın iqtisadi inkişaf naziri ötən ilin dekabrında da Azərbaycana gəlmişdi. O, Şahin Mustafayev və prezident İlham Əliyevlə Azərbaycan--Rusiya işgüzar münasibətlərini müzakirə etmişdi.
Həmin səfər çərçivəsində Azərbaycan və Rusiya şirkətləri arasında müxtəlif sahələr üzrə anlaşma memorandumları imzalanmışdı.
