Abşeron qəzetinin yeni sayı
«    Oktyabr 2018    »
BeÇaÇCaCŞB
1234567
891011121314
15161718192021
22232425262728
293031 
13-03-2018, 13:43 Oxunub: 268

Abşeronda FEVRAL ayının havası müşahidə edilir

Abşeronda FEVRAL ayının havası müşahidə edilir


Bakıda və Abşeron yarımadasında hazırda müşahidə edilən hava şəraiti fevral ayının III ongünlüyü və mart ayının ilk günləri üçün uyğundur.

Bunu Milli Elmlər Akademiyasının (AMEA) Coğrafiya İnstitutunun direktor müavini, coğrafiya üzrə fəlsəfə doktoru Məhərrəm Həsənov deyib.

Onun sözlərinə görə, hazırkı soyuq hava şəraiti fevral ayının III ongünlüyündə və mart ayının 10-dək müşahidə edilsəydi, normal qarşılana bilərdi.

M.Həsənov qeyd edib ki, Bakıda və Abşeron yarımadasında və Aran rayonlarında martın I ongünlüyündə havanın temperaturunun 12-15 dərəcə isti olması, sonra isə qəfildən 7 dərəcə enməsi mənfi hal sayılır:

“Hazırkı hava şəraitini tərəddüdlü hava şəraiti saymaq olar. Hava şəraiti bir temp üzrə getmir. Hazırda həm temperatur, həm yağıntı, həm rütubət, həm də atmosfer təzyiqi normadan bir qədər kənara çıxıb. Temperaturlar gah artır, gah da azalır. Düzdür ki, mart üçün dəyişkən hava şəraiti səciyyəvidir. Martda hava gah isti, gah da soyuq olur. Amma mart ayında 1, 2 gün ərzində havanın temperaturunun birdən-birə 5-7 dərəcə enməsi normadan kənara çıxmadır. Temperaturun 2-3 dərəcə enməsi isə qəbulediləndir”.

M.Həsənov qeyd edib ki, martın hazırkı dövründə soyuq hava şəraitinin müşahidə edilməsi hər il olmasa da, bəzi illərdə qeydə alınıb.

Onun sözlərinə görə, havanın soyuması daha çox hazırda çiçəkləmə mərhələsində olan çəyirdəkli meyvələrin ağaclarına mənfi təsir göstərəcək.

İnstitutun direktor müavini bildirib ki, belə hava şəraiti bir necə gün də davam etsə, onların çiçəkləri tozlanmadan məhv ola bilər:

“Bu isə o deməkdir ki, məhsuldarlıq olmayacaq, olsa da, çox aşağı səviyyədə olacaq. Belə hava şəraiti insan səhhətinə də çox mənfi təsir göstərir. Ümumiyyətlə, temperaturun tez-tez dəyişməsinin - yüksəlib, sonra qəfildən düşməsinin mənfi təsirləri çoxdur”.

Qeyd edək ki, Bakıda və Abşeron yarımadasında martın 9-dan havanın temperaturu ötən günlərlə müqayisədə 5-7, rayonlarda müqayisədə 5-8 dərəcə aşağı enib.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, sabah gecə Bakıda və Abşeron yarımadasının bəzi yerlərində sulu qar yağacağı gözlənilir. Havanın temperaturunun Abşeron yarımadasında gecə 0-2, gündüz 5-8, Bakıda gecə 0-2, gündüz 5-7 dərəcə isti olacağı gözlənilir.

Azərbaycanın bəzi şimal və şərq rayonlarında yağış, dağlıq ərazilərdə qar yağacağı gözlənilir.

Havanın temperaturunun gecə 0-5, gündüz 8-12 dərəcə isti, dağlarda gecə 0-5 dərəcə şaxta, gündüz 4-7 dərəcə isti olacağı gözlənilir. Martın 14-15-də Abşeron yarımadasında rütubətli hava şəraitinin üstünlüyü bəzi meteohəssas insanlarda narahatlıq yarada bilər.
XƏBƏR LENTİ
Bu gün, 14:29 | Abşeron Təhsil Şöbəsində görüş keçirilibBu gün, 14:24 | “Payız uşaqların gözü ilə” adlı tədbir keçirilibBu gün, 14:13 | 5 kameralı iPhone konsepti təqdim olunubBu gün, 14:11 | San-Fransisko şəhəri Azərbaycanın Müstəqillik Günü ilə bağlı bəyannamə qəbul edibBu gün, 14:00 | Smartfon məktubları cavablandıracaqBu gün, 13:58 | Milli Məclis bu gün növbəti iclasa toplanırBu gün, 13:51 | Azərbaycan "Qastronomiya turizmi" nominasiyasında ilk üçlüyə daxil olubBu gün, 13:48 | Zakir Həsənov Çexiyaya səfər edəcəkBu gün, 13:34 | Azərbaycanda yeni mərkəz yaradılıbDünən, 14:21 | Abşeron rayonunda fəal qadınlarla görüş keçirilibDünən, 14:06 | Hicran Hüseynova Abşeron rayonunda vətəndaşları qəbul edibDünən, 10:15 | "Azərbaycanın indiki inkişaf səviyyəsinə gəlib çıxması Prezident İlham Əliyevin planetar təfəkkürünün, geniş və yorulmaz fəaliyyətinin nəticəsidir" - Musa QasımlıDünən, 10:10 | Süni intellekt elektron ticarətə uğur qazandırırDünən, 10:04 | Bu agentlik ETSN-in tabeliyinə verilibDünən, 09:59 | Azərbaycan vətəndaşları üçün Almaniyaya viza verilməsi prosesi sadələşdirilə bilər13-10-2018, 10:37 | Gənc Parlamentarilərin Forumu keçiriləcək13-10-2018, 10:34 | Silisiumu əvəzləyəcək texnologiya hazırlanıb13-10-2018, 10:32 | Azərbaycana doluvuran qurğu gətirildi12-10-2018, 16:00 | Abşeronda “Dini maarifləndirmə işinin təşkili: gerçəkliklər və perspektivlər” mövzusunda seminar-treninq keçirilib12-10-2018, 15:47 | İradə Gülməmmədova Fatmayı kəndində vətəndaşları fərdi qaydada qəbul etdi12-10-2018, 14:49 | ABŞ Prezidentinin müşaviri Cənubi Qafqaz regionuna səfərə gəlir12-10-2018, 14:44 | Azərbaycan multikulturalizmi ABŞ-da keçirilən simpoziumda müzakirə olunub