Qobuda yaşayan çoxuşaqlı Məmmədovlar ailəsinə baş çəkilib. Abşeron rayonun Qobu qəsəbəsində yaşayan Məmmədovlar ailəsində 11 uşaq böyüyür. Onlardan 5-i qız, 6-sı isə oğlan uşağıdır. Ailə ilə görüş zamanı bildirilib ki, Abşeron Rayon İcra Hakimiyyətinin başçısı İradə Gülməmmədova tərəfindən rayon ərazisində məskunlaşmış çoxuşaqlı və aztəminatlı ailələrə daim diqqət və qayğı göstərilir.
Görüş zamanı 65 yaşlı Əfruz Məmmədova övladlarını çox sevdiyini, onları bir-birindən ayırmadığını deyir: “Hamısını çox istəyirəm. Ana üçün fərqi yoxdur. Çoxu oğlan uşaqlarıdır. Əlbəttə böyütmək asan deyil. Amma Allahın köməyi ilə hamısını böyütdüm, hamısıda ailəq qurub. İndidə 16 nəvəm var.
Çoxuşaqlı ailələrə göstərilən diqqət və qayğını insan amilinə verilən böyük dəyər kimi qiymətləndirən Ə.Məmmədova, bu yüksək hörmət və ehtirama görə ölkə başçısına və rayon rəhbərinə minnətdarlığını bildirib.
Sonda rayon rəhbərinin hədiyyəsi olaraq yubilyara rayon icra hakimiyyətinin fəxri fərmanı və qiymətli hədiyyələr təqdim edilib.