Qaraciyər çox güclü və özü özünü bərpa edə bilən orqandır.
Lakin qidalanmada bəzi məhsulların çox olması bu orqanın sağlamlığına ciddi ziyan vura, pozulmaların inkişafına səbəb ola bilər.
1. Şəkər
Şəkərin rasionda həddindən artıq olması qaraciyərin piylənməsinə səbəb ola bilər. Artıq şəkər piyə çevrilir və hepatositlərin (qaraciyərin hüceyrələri) daxilində toplanır. Belə hepatositlər öz funksiyalarını itirir. Qaraciyərin piylənməsi gələcəkdə sirrozun inkişafına şərait yaradır.
2. Transyağlar, marqarin
Transyağlar hüceyrələrin normal qidalanmasını pozur, onların "çirklənməsinə" səbəb olur. Bu orqanizmin bütün hüceyrələrinə və o cümlədən qaraciyərin hüceyrələrinə aiddir.
Təəssüf ki, transyağlar müasir insanlar istehlak etdiyi bir çox qidalarda var. Bu xüsusilə fast-fud qidalarına, hazır qidalara (peçenye, vafli, çipsi, müxtəlif souslar və s.) aiddir.
Ümumdünya Səhiyyə Təşkilatı transyağlarını qidalanmadan tam çıxarmağa çağırır.
3. Şirin qazlı içkilər
Alimlərin fikrinə görə, qazlı içkilər qaraciyərə az qala spirtli içkilər kimi mənfi təsir edir.
Şəkər və müxtəlif kimyəvi qatqılarla zəngin olan şirin qazlı içkilərdən sui-istifadə qaraciyərin piylənməsinə gətirib çıxarda bilər.
