Bu gün “Etnomədəni turizmin inkişafına dəstək", "Sosial Mədəni dəyişikliklərin öyrənilməsi" ictimayi birliyi və Sumqayıt Regional mədəniyyət və turizm idarəsi Abşeron rayon üzrə Mədəniyyət işçilərinin birgə toplantısı keçirildi.
Abşeron rayon İcra Hakimiyyətinin dəstəyi ilə “Etno turizmin inkişafı, etno turizm klasterlərinin yaradılması üzrə maarifləndirmə fəaliyyətinin təşkili” adlı layihəsinin müzakirəsində Xırdalan şəhər Mədəniyyət mərkəzində mədəniyyət işçiləri, ağsaqqallar şurasının, şəhər ictimayyətinin nümayəndələri və Kİv - əməkdaşları iştirak edirdi.
Rayon icra hakimiyyətinin İctimai-siyasi və humanitar məsələlər şöbəsinin müdir müavini Dini qurumlarla işin təşkilatçısı Vüqar Bəşirli çıxış edərək bildidi ki, Azərbaycan respublikasının Prezidenti yanında Qeyri- Hökümət Təşkilatlarına Dövlət Dəstəyi Şurasının maliyə dəstəyi ilə keçirilən layihənin məqsədi regionlarda turizmlə məşğul olan insanlar, yerli turizm mütəxəssisləri, bələdiyyələr, sahibkarlar arasında etno turizmlə bağlı maarifləndirmə fəaliyyətinin təşkili, etno turizm klasterləri ilə bağlı xarici təcrübələri, regionun etnoturizm potensialının araşdırılması və obyektiv qiymətləndirmənin həyata keçirilməsini özündə əks etdirən bilik və informasiyaların çatdırılması, etno turizm sahəsinin yerli və xarici ictimaiyyətə yönələn elektron təbliğatının təşkili işinin müzakirəsi üçün bu gün görüşürük.
V. Bəşirli rayonumuzda etnomədəni turizm yerlərinin tanınması yolunda bu kimi təşkilatlarla işin qurulmasının maraqlı olduğunu qeyd etdi. Abşeron rayon icra hakimiyyətinin rəhbərliyi rayonumuzda keçiriləcək bu lahiyənin dəstəkləyir.
Sonra lahiyənin icraçıları çıxış edərək bildirdilər ki, yerli turizm müəssisələrinin nümayəndələrinin, bələdiyyə və icra qurumlarının, sahibkarların iştirakı ilə etno turizmlə bağlı maarifləndirici seminarların təşkili, etno turizm klasterlərinin yaradılması təcrübələrini əks etdirən prezentasiyaların keçirilməsi və yerli etno turizm potensialının rellaşdırılması, etnoturizmin inkişafı ilə bağlı regional planın və layihələrin hazırlanması ilə əlaqədar müzakirələrin aparılması, regionun etno turizm potensialının araşdırılması və obyektiv qiymətləndirmənin həyata keçirilməsi üçün yerli mütəxəssislərlə müzakirələrin aparılması, regionlarda etno turizmlə məşğul olacaq kontingentin formalaşdırılması layihənin əsas vəzifələrinə daxildir.
Turizmin inkişafı ilə bağlı qarşıya qoyulan hədəflərə nail olmaq və etno turizmin daha rəqabətədavamlı və cəlbediciliyini artırmaq üçün yerli mədəniyyət və turizm idarələri mütəxəssisləri, bələdiyyələr, yerli sahibkarlar, turizm müəssisələri nümayəndələri arasında maarifləndirmə işi aparılmış, regionun etnoturizm potensialının araşdırılması və obyektiv qiymətləndirmənin həyata keçirilməsi üçün yerli mütəxəssislərə bilik və informasiyaların çatdırılması, etno turizm klasterləri ilə bağlı xarici təcrübələri özündə əks etdirən prezentasiyaların keçirilməsi və yerli etno turizm potensialının, etno turizm sahəsinin yerli və xarici icyimaiyyətə yönələn elektron təbliğatının təşkili məsələləri müzakirə edildi.
Sumqayıt Regional mədəniyyət və turizm idarəsi Abşeron rayon üzrə baş məsləhətçisi İlham Manafov Abşeron rayonun qədim tarixə malik olduğunu, mədəni və tarixi abidələrin çoxluğunu, palçıq vulkanların və Yanar dağın mövcudluğunu qeyd etdi.
Tədbir iştirakçılarının sullarını cavablandıran qonaqlar rayon rəhbərliyinə dəstəyə görə öz təşəkkürlərini bildirdilər.
