Azərbaycan Respublikasının Prezidenti cənab İlham Əliyevin 7 iyul 2011-ci il tarixli Sərəncamı ilə təsdiq edilmiş “Azərbaycan gəncliyi 2011-2015-ci illərdə” Dövlət Proqramının müvafiq yarımbəndinin icrasının təmin edilməsi məqsədi ilə 2-3 iyun 2014-cü il tarixlərdə Azərbaycan gənclərinin VII Forumu keçirildi. Forumda ümumilikdə Bakı da daxil olmaqla, 80-dən artıq rayonun 1739 nəfər nümayəndəsi, eləcə də dövlət rəsmiləri, mərkəzi strukturların rəhbərləri, Qeyri Hökumət Təşkilatlarının, Tələbə Gənclər Təşkilatlarının rəhbərləri, beynəlxalq humanitar təşkilatların nümayəndələri, ali təhsil müəssisələrinin rektorları, millət vəkilləri iştirak edirdi.
Abşeron rayonu Formda 20 nəfərlik nümayəndə heyəti ilə təmsil olunurdu.
Forum 5 seksiya: Gənclərin vətənpərvərlik və vətəndaşlıq tərbiyəsi, gənclərin ictimai həyatda iştirakı və beynəlxalq əməkdaşlığı, müasir gənclərin təhsil və elmin inkişafında yeri və rolu, gənclərin sosial inkişafı və sahibkarlıq, yaradıcı gənclərə dəstək və ölkənin innovativ potensialı istiqaməti üzrə keçirilmişdir.
Forumda gənclər təşkilatlarının vəzifə və öhdəlikləri, gənclərin ictimai siyasi fəallığı, tələbələrin sosial problemləri, təhsilin keyfiyyəti, gənc alimlərin perspektivləri, yaradıcı və istedadlı gənclərin problem və yeni layihələri, gənclərin idarəetmə sahəsinə cəlb edilməsi, xaricdə təhsil alan gənclərin inkişafı üçün yeni layihələrin həyata keçirilməsi, beynəlxalq əməkdaşlıq və digər mühüm məsələlər ətrafında geniş fikir mübadiləsi aparıldı.
Forumun yekun iclasında qətnamə və forum nümayəndələrinin Azərbaycan Respublikasının Prezidenti cənab İlham Əliyevə müraciəti qəbul edildi.
Redaktor: Çinarə Sadıqova
