Bu gün saat 20:15:30-da Azərbaycana yaz fəsli gəlib.
Buna görə də həmin gün Novruz bayramı günü hesab edilir.
Bu gün gecə və gündüz bərabərləşir.
AMEA-nın Şamaxı Astrofizika Rəsədxanasının elmi işlər üzrə direktor müavini, fizika üzrə fəlsəfə doktoru Xıdır Mikaylov bildirib ki, Azərbaycanda bu il olduğu kimi ilaxır çərşənbə ilə Novruz bayramının eyni günə təsadüf etməsi sonuncu dəfə 2001-ci ildə baş verib. Bu hadisə bir də 2035-ci ildə qeydə alınacaq.
Qeyd edək ki, Nazirlər Kabinetinin qərarına əsasən bu il 20, 21, 22, 23 və 24 mart tarixləri Novruz bayramıdır. Əmək Məcəlləsinə əsasən, 2017-ci ildə Novruz bayramı günlərində 24 mart tarixi şənbə gününə təsadüf etdiyi üçün iş və istirahət günlərinin yerləri dəyişdirilərək 26 mart qeyri-iş günü olacaq.Ümumilikdə bu il Novruz bayramında 7 gün - 20, 21, 22, 23, 24, 25, 26 mart tarixləri qeyri-iş günü olacaq.