Oktyabrın 11-də Abşeron rayon İcra Hakimiyyətinin və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Beynəlxalq Qızlar Gününə həsr olunmuş tədbir keçirilib. D.Bünyadzadə adına Fatmayı kənd orta məktəbin inzibatı binasında düznlənmiş tədbirdə Abşeron rayon İcra Hakimiyyəti başçısının müavini Fuad Cəbrayılov, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, YAP Abşeron rayon təşkilatının Qadınlar Şurasının sədri Təyyübə Hüseynova, Yeni Azərbaycan Partiyası Səbail rayon təşkilatının Qadınlar Şurasının sədri Təranə Kərimova, məktəbin direktoru Nuru Nadirov, məktəbin valideyin komitəsinin sədri Təranə İsmayılova, Fatmayi həkim məntəqəsinin müdiri və ailə həkimi Sücaət Zeynalova çıxış ediblər.
Yığınçaqda iştirakçılara qızların təhsildən yayınma halları, reproduktiv sağlamlıq, erkən nikah və onun fəsadları haqqında ətraflı məlumat verilib və mövzu ətrafında fikir mübadiləsi aparılıb.
Toplantının sonunda məktəbin şagirdlərinin ifasında erkən nikah, uşaq hüquqları mövzusunda səhnəcik təqdim olunub.
Şamo Əliyev
