Abşeron qəzetinin yeni sayı
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
7-11-2018, 16:40 Oxunub: 140

"Gələcəkdə biz iş yerlərinin əhəmiyyətli dərəcədə artacağını gözləyirik"

 "Gələcəkdə biz iş yerlərinin əhəmiyyətli dərəcədə artacağını gözləyirik"


"Azərbaycan Sənaye Korporasiyası" Açıq Səhmdar Cəmiyyəti (ASK) ölkə iqtisadiyyatının inkişafı və iqtisadi islahatların dəstəklənməsi üçün mümkün olan hər şeyi edəcək.

Bunu ASK-ın baş direktoru Kamran Nəbizadə deyib.

K.Nəbizadə xatırladıb ki, korporasiya düz bir il əvvəl Prezident İlham Əliyevin fərmanı ilə təsis edilib: "Biz ildönümümüzü qeyd edirik. Bu mühüm gündə biz ulu öndər Heydər Əliyevin xatirəsini andıq. Bu, bizim üçün çox vacib idi. Çünki Azərbaycanın müstəqilliyi, iqtisadiyyatımızın inkişafı ümummilli lider Heydər Əliyevin dahi və uğurlu siyasətinin nəticəsidir və bu siyasət Prezident İlham Əliyev tərəfindən davam etdirilir".

Baş direktor vurğulayıb ki, iqtisadi islahatlar dövründə ASK-ın təsis olunması mühüm hadisə idi.

K.Nəbizadə deyib ki, ASK-ın yaradılmasının məqsədləri korporasiyanın balansına verilən müəssisələrin səmərəli idarəetməsinin yaradılması və rentabelliyinin təmin olunması, eləcə də bu müəssisələrdə innovativ texnologiyaların tətbiqi, hesabatlılıq və uçot sisteminin yaradılması, onların fəaliyyətinin keyfiyyətcə yeni səviyyəyə çıxarılmasıdır:

"Sənaye korporasiyasının yaradılmasının məqsədi strateji yol xəritəsi çərçivəsində dövlət əmlakının səmərəli istifadəsidir. Bu məqsədlə dövlət əmlakı üzrə 52 müəssisə Azərbaycan Sənaye Korporasiyasının idarəsinə verilib".

Baş direktor vurğulayıb ki, ASK Azərbaycanın qeyri-neft sektorunun inkişafına öz töhfəsini verəcək.

K.Nəbizadə həmçinin bu il ərzində korporasiya tərəfindən görülən işlər barədə danışıb. Qurum rəhbərinin sözlərinə görə, ilk mərhələdə beynəlxalq qiymətləndirmə şirkətləri tərəfindən ASK-a verilən müəssisələrin qiymətləndirilməsi aparılıb. Bu müəssisələrdə yeni idarəetmə sistemləri yaradılır, yeni gənc kadrlar cəlb edilir:

"İkinci mərhələdə ASK-a daxil olan müəssəsilərin sayının artırılması və mövcud müəssisələrin strategiyasının hazırlanması nəzərdə tutulur. Biz bu istiqamətdə ciddi iş aparırıq. ASK-ın tərkibinə müxtəlif istiqamətlərdə fəaliyyət göstərən müəssisələr daxildir. Bu strategiya müxtəlif istiqamətlər üzrə hazırlanacaq və hökumətə təqdim olunacaq".

K.Nəbizadənin sözlərinə görə, ASK-ın əsas məqsədi bu müəssisələrin rentabellik baxımından yeni istehsalat səviyyəsinə çatdırılmasıdır: "Strategiyanın əsas məqsədi istehsalın genişləndirilməsi, onlar arasında əməkdaşlığın gücləndirilməsidir. Bu, yeni iş yerlərinin açılması, sosial məsələlərin həlli, Azərbaycan məhsullarının ixracının artması, eləcə də idxal olunan məhsulun yerli məhsulla əvəz olunması deməkdir".

Bundan başqa, baş direktor qeyd edib ki, bugünədək korporasiya tərəfindən dövlət əmlakının təkrar strukturlaşdırılması yolu ilə 17 müəssisə təsis olunub.

K.Nəbizadə bildirib ki, Şəkinin "Azəripək" kombinatının və Sumqayıtın "ASK Tekstil" şirkətinin müasirləşdirilməsi üzrə işlər aparılır.

Baş direktorun sözlərinə görə, tütünçülüyün inkişaf üzrə dövlət proqramına uyğun olaraq tütün əkini sahələri genişləndirilib: "Balakən rayonunda 3 ay ərzində tütünqurutma məntəqəsi yaradılıb və burada 60 qurutma kamerası quraşdırılıb".

Korporasiya rəhbəri əlavə edib ki, ötən il bu işlər xarici şirkətlər tərəfindən aparılırdısa, bu il Azərbaycan şirkəti tərəfindən həyata keçirilib.

K.Nəbizadə qeyd edib ki, Balakən məntəqəsi artıq fəaliyyət göstərir. Məntəqədə təxminən 300 iş yeri yaradılıb. Ümumilikdə korporasiya üzrə həm daimi, həm də mövsümi əsaslarda təxminən 1000 iş yeri açılıb: "Gələcəkdə biz iş yerlərinin əhəmiyyətli dərəcədə artacağını gözləyirik".

Baş direktor bildirib ki, dövlətin dəstəyi ilə "Azərpambıq" müəssisəsinə vəsait ayrılıb: "Biz bu müəssisənin maddi-texniki bazasını gücləndirmişik. 17 kombayn, eləcə də müxtəlif texnika alınıb".

K.Nəbizadənin sözlərinə görə, bu, gələcəkdə səpin sahələrinin genişlənməsinə, eləcə də pambığın məhsuldarlığının artmasına imkan yaradacaq və ümumilikdə pambığın təkrar emalı sahəsinin müasirləşməsi gözlənilir: "Bu, ümumilikdə, istehsalın ekstensiv üsulundan intensiv üsuluna keçid üçün imkan yaradacaq".

Baş direktor bildirib ki, müəssisələrin inkişafı strategiyası Azərbaycanı xammal, eləcə də külçə və profil qismində alüminiumla təmin etməyi nəzərdə tutur. Bununla yanaşı məişət texnikasının istehsalını təşkil etmək planlaşdırılır: "Bu tədbirlər nəticəsində Azərbaycanda hazırda xaricdən gətirilən məhsulların istehsalını təşkil etmək mümkün olacaq".
XƏBƏR LENTİ
Dünən, 16:41 | Saray qəsəbə 14 saylı uşaq bağçasında açıq məşğələ keçirildiDünən, 16:26 | Abşeronda Azərbaycan ədliyyəsinin yaranmasının 100 illiyi qeyd olunub19-11-2018, 17:11 | Xırdalanın 17 saylı bağçasında Payız bayramı qeyd olundu-Video19-11-2018, 15:28 | Bağçada “Təhlükəsiz həyat” mövzusunda məşğələ19-11-2018, 14:43 | İradə Gülməmmədova vətəndaşların fərdi qaydada növbəti qəbulunu keçirdi17-11-2018, 19:09 | Xırdalanda yeni alternativ yol çəkilir-FOTOLAR17-11-2018, 19:00 | Xırdalan şəhərinin küçə və dalanlarına yeni asfalt örtük çəkilir-FOTOLAR17-11-2018, 16:10 | Körpə fidanlar Milli Dirçəliş Günü qeyd ediblər16-11-2018, 18:47 | Abşeronda “Ölkəmizi tanıyaq” tur-aksiyasında iştirak edəcək məktəblilərlə görüş keçirilib16-11-2018, 15:48 | Prezident İlham Əliyev Sumqayıt Dəmir Yolu Vağzalı Kompleksinin açılışında iştirak edib16-11-2018, 15:41 | Prezident İlham Əliyev Sumqayıt şəhərinə səfərə gəlib16-11-2018, 15:35 | Prezident İlham Əliyev: "Gənclər siyasəti sosial siyasət kursumuzun və insan kapitalının inkişafı prosesinin əsas istiqamətlərindən biridir"16-11-2018, 11:23 | İlham Əliyev Belarusun Azərbaycandakı səfirini qəbul edib16-11-2018, 11:15 | Abşeron idmançısı ABŞ-da dünya çempionu oldu (Video+Foto)16-11-2018, 10:38 | Nazirin rəhbərliyi ilə nümayəndə heyəti VII Beynəlxalq Sankt-Peterburq Mədəniyyət Forumunda16-11-2018, 10:36 | KXDR ən müasir yüksəktexnologiyalı silahı sınaqdan keçirib15-11-2018, 21:22 | Abşeron idmançıları dünya çempionatından qızıl medalla qayıtdılar15-11-2018, 18:12 | Xırdalan şəhər 3 saylı uşaq bağçasında "Açıq məşğələ" keçirildi15-11-2018, 18:03 | Xırdalanda “Fərqli dil, fərqli bir ruh” adlı seminar keçirilib.15-11-2018, 17:57 | Xırdalan bağçasında “Fövqəladə hallar zamanı davranış və yanğın təhlükəsizliyi qaydaları” mövzusunda maarifləndirmə tədbiri keçirildi15-11-2018, 15:35 | Prezident İlham Əliyev Bakıya yeni icra başçısı təyin etdi15-11-2018, 15:30 | Prezident İlham Əliyev: Ölkəmizdə aparılan idman siyasəti Azərbaycanın ictimai həyatında böyük rol oynayır