Axırıncı həftəsinin yaşandığı Ramazan ayı Abşeron rayonunda böyük sevinclə davam edir. Ramazan ayında insanlar bir araya gəlir, xütbələr oxunur, ehtiyacı olan insanlara yardımlar edilir, axşamlar iftar süfrəsi arxasına toplaşırlar. Növbəti belə bir tədbir Abşeron Rayon İcra Hakimiyyətinin təşübbüsü və Məmmədli Bələdiyyəsinin təşkilatçılığı ilə rayonun Məmmədli kəndində yerləşən «Yanardağ» şadlıq sarayında 250 nəfərin iştirakı ilə keçirilib. İftar süfrəsində Məmmədli kənd bələdiyyəsinin sədri Xəyaləddin Məmmədov, kənd əraisində yaşayan aztəminatlı ailələr, qaçqın və məcburi köçkünlər, ahıl və kimsəsizlər, şəhid ailələri, Qarabağ müharibəsi iştirakçıları və əlilləri və sağlamlıq imkanları məhdud olan sakinlər iştirak edib.
İftar mərasimi qəsəbə məscidinin axundu tərəfindən Qurani_Kərimdən ayələrin və Ramazan duasının oxunması ilə başlanıb. Məcidin axundu müqəddəs kitabımız olan «Qurani Kərim»in bizə nazil olduğu bu ayın fəzilətindən danışıb, süfrə açılmasında əməyi olan hər bir şəxsə öz minnətdarlığını bildirib.
Qeyd olundu ki, Ramazan həmrəylik, dostluq, qardaşlıq, sevgi, mərhəmət və ruzi ayıdır. Buna görə də Azərbaycanda və eləcə də Abşeron rayonunda açılan bu iftar süfrələri ölkəmizdə ənənəvi tolerantlığı nümayiş etdirir.
Şamo Əliyev
