Respublikamızn bütün bölgələrində olduğu kimi Abşeron rayonunda da yol infrastrukturunun yaxşılaşdırılması işləri uğurla icra olunur. Xırdalan şəhərində nəqliyyatın rahat və maniəsiz hərəkətinin tənzimlənməsi,əhalinin gediş- gəlişinin asanlaşdırılması üçün əvəllər mövcud olmayan küçə və prospektlərə,eləcə də məhəllə daxili yollara asfalt vurulur. Görülən işlər 220 mindən çox Xırdalan sakininin gediş gəlişini asanlaşdıracaq.
Rəvan Eyyubov-Xırdalan sakini-Əvvəl bu yolun vəziyyəti çox bərbad idi, uşaqlar dərsə gedib gəlmirdi,maşınla getmək olmurdu,marşrut işləmirdi.Yolu bərpa eliyiblər,düzəldiblər,çox yaxşıdır,hətta yuxarıya qədər,Xırdalandan çıxıb Qafqaza qədər yol asfaltdır,çox yaxşıdır,bəyənirəm,təşəkkür eliyirəm bunu elədikləri üçün. Bundan başqa kanalizasiya xəttlərini təzəliyiblər, hər ev üçün kanalizasiya xətti çəkiblər. Azərbaycanın bu günkü gün hər bir yeri inkişaf eliyir, yollar cəhətdən, daxili inkişaf, infrastruktur, bunların hamısı bizim üçündür. Bu yolnan biz yeriyirik, bizim maşınlar, bizim uşaqlar və bunu yüksək dəyərləndiririəm, hər şey göz qabağındadır.
Xırdalan şəhərində yol infrastrukturu yenilənir, asfalt örtüyü sıradan çıxmış küçələrə,eləcə də əvvəllər asfalt örtüyü mövcud olmayan küçə və prospektlərə asfalt vurulur. Uzunluğu 1,5 kilometr olan Nəsimi küçəsi ,Nizami ,Səməd Vurğun,Əlşir Nəvai küçəsi,Həsən Əliyev, Mehdi Hüseyinzadə küçələrində yeni asfalt örtüyü vurulub. Hazırda işlər davam edir. Rayon icra hakimiyyəti tərəfindən şəhər daxili küçələrə 36 min 493 kvadrat metr,məhəllə daxili küçələrə 9880 kvadrat metr asfalt vurulub, 5536 paqonnu metr bardür qoyulub. Görülən işlər nəticəsində əvvəllər mövcud omayan piyada səkiləri tikilib, yol kənarlarında qranit bardürlər düzülüb, ətraf ərazilər abadlaşdırılıb, yaşıllıq salınıb, gül kolları əkilib,müasir işıq dirəkləri quraşdırılıb. Mövcud yollar əvvəllər dar olduğu üçün hərəkətin intensivliyinin təmin olunmasında problemlər yaranır, tıxaclara səbəb olurdu. Mərkəzi küçələrin yenidən qurulmasından sonra hərəkət hissəsi xeyli genişləndirilib ki, bu da hərəkət edən nəqliyyata rahat və maniəsiz şərait yaradır. Yolların təmiri ilə yanaşı əhalinin istirahətinin səmərəli təşkili üçün yeni parklar salınıb, nümunəvi həyətlər də yardılıb.
Tahir Fətullayev-Xırdalan sakini-Demək bu günləri Xırdalan şəhərində burda sakinlər üçün görülən işlər hamısı göz qabağındadır. Gördüyünüz kimi burda gənc uşaqlar üçün, xalqımızın nümayəndələri üçün, cavanlar üçün oyun yerləri, stadionlar tikilir, əl idmanları üçün yerlər tikilir və bu gün bu bizi çox sevindirir ki, bu gün Xırdalan şəhərinin gəncləri, cavanaları burda gəlib futbolla, idmanla məşğul ola bilərlər. Bu da bizim çox xoşumuza gəlir.Yollarla bağlı işlər başlanılıb,artıq görülür. Xırdalan şəhərində su ilə,kanalizasiya ilə bağlı bu işlər görülür və görülən kimi də o yerləri yenidən düzəldirlər, düzdü bir az problemlər var, burda yaşayan sakinlərimizin narazıçılığı var, ama bunlara baxmayaraq artıq onlar hamısı ortadan götürülür və bunlar düzəldilir,ardıcıl olaraq da eliyirlər. Odur ki, işlər görülür, göz qabağında olan işi heç kim inkar eliyə bilməz. Problem də var, iş də var. Ardıcıl olunur bunlar.
Yaradılan nümunəvi həyətlərdə uşaqlar üçün atraksionlar quraşdırılıb,idman meydançaları salınıb. Böyüklər kimi görülən işlərdən uşaqlar da sevinclidir.
Əbdülsəməd Nəsibli-Biz əvvəl o parkın içində oynuyurduq indi çox sağ olsunlar ki, burda bu şəraiti düzəltdilər biz burda oynuyuruq. Çox sağ olsunlar ki, bura slkameyka, yelləncək, idman yeri düzətdilər. Çox təşəkkür eliyirəm ki, belə stadion tikiblər bizə biz hər axşam burda oynuyuruq.
“Azərsu” Açıq Səhmdar Cəmiyyəti Abşeron yarımadasında əhalinin içməli su təchizatı və kanalizasiya xidmətlərindən istifadəsinin yaxşılaşdırılması məqsədilə layihələrin icrasını davam etdirir. “ Azərsu” tərəfindən Xırdalan şəhərində su kanalizasiya sisteminin yenidən qurulması nəticəsində iş görülmüş küçələrə 230 min kvadrat metr asfalt vurulub. Xırdalanda su-kanalizasiya xəttinin çəkilişi yekunlaşdıqdan sonra şəhərin, demək olar ki, bütün avtomobil yollarının, prospekt və küçələrinin asfalt örtüyü yenilənəcək. Abşeron Rayon İcra Hakimiyyətində hazrlanan xüsusi proqram çərçivəsində Xırdalan şəhərinin yol infrastrukturunun inkişafı daim diqqət mərkəzində saxlanılır.
