Bu gün Yeni Azərbaycan Partiyası Abşeron rayon təşkilatı Gənclər Birliyinin bir qrup fəal gəncləri Abşeron rayonun Digah qəsəbəsinin ən hündür nöqtəsində yerləşən “Türk şəhidliyi” abidəsini və orada uyan türk şəhidlərin məzarlarını ziyarət edib, önünə güllər düzüblər.
Abşeron RİH başçısının Digah qəsəbə inzibati ərazi dairəsi üzrə nümayəndəsi Rövşən Rüstəmov çıxış edərək bildirib ki, Abşeronlular vətənimizə gələn şanlı türk əsgərlərinin qardaşlıq köməyini, döyüşlərdə qəhrəmancasına həlak olan əsgər və zabitlərin xatirəsini heç vaxt unutmur, daim əziz tuturlar. Bu gün Digah qəsəbəsi ərazisində uyuyan şəhid türk əsgərinin məzarı o illərin şanlı qəhrəmanlıq tarixidir və hər gün buraya yüzlərlə ziyarətçi gəlir.
Yeni Azərbaycan Partiyası Abşeron rayon təşkilatı Gənclər Birliyinin sədri Elnur Mirzəyev çıxış edərək bildirib ki, müharibənin qoyduğu “nişanələrdən” biri də şəhidlər xiyabanlarıdır. Bu gün Abşeron rayonunda çoxlu sayda şəhidlərin uyuduqları və yaxud onların xatirəsinə salınmış şəhidlər xiyabanları vardır. Rayon İcra Hakimiyyətinin Başçısı İradə Gülməmmədovanın tapşırığına əsasən son illər Xırdalan şəhərində yerləşən şəhidlər xiyabanı əsaslı şəkildə yenidən qurulmuş, eyni zamanda, Saray, Aşağı Güzdək, Mehdiabad və Digah qəsəbələrində şəhidlər xiyabanları əsaslı şəkildə yenidən qurulmuşdur