Abşeron qəzetinin yeni sayı
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
15-03-2019, 13:45 Oxunub: 361

Vüqar Rəhimzadə: Birinci vitse-prezident Mehriban Əliyevanın Fransa səfəri əlaqələrin inkişafına böyük töhfədir

Vüqar Rəhimzadə: Birinci vitse-prezident Mehriban Əliyevanın Fransa səfəri əlaqələrin inkişafına böyük töhfədir


Xarici siyasətində Avropaya inteqrasiyaya xüsusi önəm verən Azərbaycanın ikitərəfli əməkdaşlıqların inkişafı istiqamətində atdığı addımlara diqqət yetirmək kifayətdir. Qarşılıqlı səfərlər hər bir ölkənin malik olduğu imkanların təqdimatında əhəmiyyətli rol oynayır. Təkcə ötən il dövlətimizin başçısı İlham Əliyevin xarici ölkələrə, eyni zamanda, bu və ya digər ölkənin dövlət başçılarının Azərbaycana səfərlərinin say tərkibinə, səfərlər çərçivəsində keçirilən görüşlərə və imzalanan sənədlərə diqqət yetirsək, bu gün Azərbaycanın beynəlxalq münasibətlər sistemində yerini və rolunu aydın görmək mümkündür. Möhtərəm Prezidentimiz İlham Əliyevin qeyd etdiyi kimi, Azərbaycan Avropa İttifaqına üzv ölkələrin üçdəbir hissəsi ilə strateji tərəfdaşlıq haqqında sənədlər imzalayıb. Bu, Azərbaycanın Avropa üçün strateji əhəmiyyət daşıyan ölkə olduğunun təsdiqidir.

Avropa İttifaqının aparıcı dövlətlərindən biri kimi Fransa ilə Azərbaycanın münasibətlərinin bugünkü inkişaf səviyyəsinə diqqət yönəldən V.Rəhimzadə Azərbaycanın Birinci vitse-prezidenti Mehriban xanım Əliyevanın Fransaya səfərini iki ölkə arasında əlaqələrin inkişafında yeni mərhələ kimi dəyərləndirib. Bildirib ki, hər bir səfər ölkə reallıqlarının dünya ictimaiyyətinə çatdırılmasına böyük töhfədir.

V.Rəhimzadə qeyd edib ki, Azərbaycanın iqtisadi əlaqələrinin inkişafı, Fransanın Dağlıq Qarabağ münaqişəsinin ədalətli həllində fəallığını artırması və Fransa ilə əlaqələrin inkişafının Azərbaycanla Avropa İttifaqı arasında əlaqələrin möhkəmləndirilməsində rolu kimi biri-birindən əhəmiyyətli məsələlər Mehriban xanım Əliyevanın səfər çərçivəsində keçirdiyi görüşlərdə də əsas müzakirə mövzusu olub: “Belə ki, Mehriban xanım Əliyevanın Fransanın birinci xanımı Brijit Makron, Fransa Senatının sədri Jerar Larşe, Fransanın sabiq prezidenti Nikola Sarkozi, Fransa Milli Assambleyasının sədri Rişar Ferran, Fransanın mədəniyyət naziri Frank Riyester, iqtisadiyyat və maliyyə naziri Brüno Lömer ilə görüşlərinin hər biri özlüyündə Azərbaycan-Fransa münasibətlərinin bu və ya digər sahələrinə işıq salır. Mehriban xanım Əliyevanın səfərinə göstərilən diqqət Azərbaycanın Birinci vitse-prezidentinin simasında ölkəmizə yüksək etimadın bariz nümunəsi kimi qiymətləndirilməlidir”.

Baş redaktor bildirib ki, bu gün Azərbaycan-Fransa iqtisadi əlaqələrinin inkişaf səviyyəsi göz önündədir. Fransanın aparıcı şirkətləri ölkəmizdə fəaliyyətlərini daha da genişləndirməkdə maraqlıdır. Ölkəmiz üçün ənənəvi sayılan neft və qaz sektorunda çox güclü əlaqələrimiz var. İcra olunan və icrası davam etdirilən layihələr qarşılıqlı faydalara gətirib çıxarır. Mehriban xanım Əliyevanın Fransanın iqtisadiyyat və maliyyə naziri Brüno Lömer ilə görüşündə də bu mühüm məqamlara xüsusi diqqət yönəldilib. Belə ki, Brüno Lömer Azərbaycanın Birinci vitse-prezidenti Mehriban xanım Əliyevanın Azərbaycan iqtisadiyyatının şaxələndirilməsində mühüm rolu olduğunu önə çəkərək, birlikdə işləməyə hazır olduqlarını qeyd edib. Vurğulamışdır ki, Fransa yeni texnologiyalar sahəsində ölkəmizə töhfələr verə bilər. “Total”ın Azərbaycanda fəal rol oynadığını bildirən fransalı nazir nəqliyyat, kənd təsərrüfatı sahələrində də təcrübələrin bölüşə biləcəklərini qeyd edib. Fransalı nazir Mehriban xanım Əliyevanın səfərinin ikitərəfli əməkdaşlığa böyük töhfə verəcəyinə ümidvar olduğunu diqqətə çatdırıb.

“Təbii ki, hər bir səfərin əhəmiyyətindən bəhs edərkən həqiqətlərimizin təqdimatında nə kimi rola malik olduğu daha çox təhlil edilir. Nəzərə alsaq ki, Fransa BMT Təhlükəsizlik Şurasının 5 daimi üzvündən, ən əsası ATƏT-in Minsk qrupunun həmsədrlərindən biridir, bu halda Azərbaycanın Birinci vitse-prezidentinin Fransa səfərinin əhəmiyyəti daha aydın görünür”,- deyən V.Rəhimzadə bildirib ki,

Fransanın yeganə problemimiz olan Ermənistan-Azərbaycan Dağlıq Qarabağ münaqişəsi ilə bağlı mövqeyi ölkəmiz üçün önəmlidir. Mehriban xanım Əliyevanın səfər çərçivəsində keçirdiyi görüşlərdə də Dağlıq Qarabağ probleminə xüsusi diqqət yönəldilib: “Ermənistan-Azərbaycan Dağlıq Qarabağ münaqişəsinin tezliklə, sülh yolu ilə beynəlxalq hüququn normaları və ölkəmizin ərazi bütövlüyü çərçivəsində həllinin vacibliyini vurğulayan Mehriban xanım Əliyeva bildirib ki, münaqişənin mövcudluğu bütün regionun inkişafına və təhlükəsizliyinə ciddi təhdiddir”.

Baş redaktor vurğulayıb ki, son illər Fransa-Azərbaycan münasibətlərinin inkişaf səviyyəsinə diqqət yetirsək böyük yaxınlaşmanın şahidi olarıq. Dövlətimizin başçısı İlham Əliyevin ötən il reallaşdırdığı Fransa səfəri də bu kimi mühüm məqamların açıqlanmasında və təqdimatında mühüm rol oynayıb. Fransa Prezidenti Emmanuel Makronun Azərbaycana münasibəti ikitərəfli əlaqələrin inkişafı fonunda yeganə problemimiz olan Ermənistan-Azərbaycan Dağlıq Qarabağ münaqişəsinin ədalətli, beynəlxalq hüquq norma və prinsipləri çərçivəsində həllində önəmli faktor kimi dəyərləndirilir.
XƏBƏR LENTİ
Dünən, 16:34 | Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan ilə görüşübDünən, 14:37 | Digah məktəbinin kollektivi leykozdan əziyyət çəkən şagirdə baş çəkibDünən, 12:12 | Suriyanın şimalında əməliyyatlar başlanandan öldürülən terrorçuların sayı 550-yə çatıbDünən, 12:09 | Masazır dairəsindən “Gənclər şəhərciyi” istiqamətində köməkçi yolda hərəkət tam məhdudlaşdırılıbDünən, 12:00 | Prezident İlham Əliyev Qazaxıstanın Azərbaycanda yeni təyin olunmuş səfirinin etimadnaməsini qəbul edib11-10-2019, 15:33 | İradə Gülməmmədova Görədil sakinlərilə görüşdü10-10-2019, 16:23 | Azərbaycan Prezidenti İlham Əliyev Türkmənistana işgüzar səfərə gəlib10-10-2019, 15:43 | Uşaqlara qayğı ölkənin gələcəyinə qayğıdır10-10-2019, 11:52 | Səyyar “ASAN xidmət” Xırdalanda10-10-2019, 11:42 | Komitə sədri: “Bu gün ən ağrılı problemlərdən biri köçürülmə ilə bağlıdır”10-10-2019, 11:40 | Prezident İlham Əliyev Avstriyanın Nəqliyyat, İnnovasiya və Texnologiya nazirini qəbul edib10-10-2019, 10:21 | Əli Əsədov Baş Nazir kimi ilk onunla görüşdü10-10-2019, 10:17 | Noyabrda ardıcıl 3 gün iş olmayacaq10-10-2019, 10:04 | Dağlıq Qarabağın azərbaycanlı icması Şuşadakı məscidin ermənilər tərəfindən “təmir-bərpası”nı pisləyən bəyanat yayıb10-10-2019, 09:57 | Azərbaycan yığması Bəhreyn millisinə qalib gəlib10-10-2019, 09:48 | Türkiyə hərbçiləri terrorçulara məxsus 181 sığınacağı məhv edib9-10-2019, 16:03 | Ərdoğan və Putin Suriyadakı vəziyyəti müzakirə ediblər9-10-2019, 15:52 | Prezident İlham Əliyev Rusiya nümayəndə heyətini qəbul edib9-10-2019, 13:36 | Azərbaycan Prezidenti İlham Əliyev Gürcüstanın Baş Naziri Giorgi Qaxariyanı qəbul edib9-10-2019, 12:55 | Oktyabrın 9-u dövlətimizin başçısı İlham Əliyevin üçüncü dəfə Prezident seçildiyi gündür9-10-2019, 10:13 | Polşa portalında Yanardağ haqqında məqalə yer alıb9-10-2019, 10:10 | Abşeronun bəzi yerlərində qaz olmayacaq