“Azərbaycan Prezidenti İlham Əliyev tərəfindən son vaxtlar imzalanmış sərəncamlar, qəbul olunmuş qərarlar ölkədə iqtisadi fəaliyyətin daha da canlanmasına səbəb olmaqla yanaşı, əhalinin sosial vəziyyətinin daha da yaxşılaşmasına xidmət edir”.
O bildirib ki, imzalanan sənədlər, həyata keçirilən işlər Azərbaycanın nələrə qadir olduğunun və ola biləcəyinin növbəti siqnallarıdır: “Bu, sürətli və dinamik inkişaf yolu ilə əzmlə, qətiyyətlə addımlayan Azərbaycanın inkişafının növbəti göstəricisidir, növbəti təsdiqidir. Görülən işlər həm yaxşı mənada uğurlarımıza sevinən dostlara, ölkəmizin müstəqil dövlətçilik və inkişaf xəttinə qarşı çıxan, bu xətti əngəlləmək üçün müxtəlif yollara əl atan, sosial şəbəkələri süngüyə, döyüş, hərb meydanına çevirən, ancaq yenə də istədiklərinə nail ola bilməyən anti-Azərbaycan dairələrinə mesajdır”.
E.Səlimov qeyd edib ki, Milli Məclisin qəbul etdiyi qanunlar da iqtisadi inkişafın daha da davamlı olmasına, iqtisadi islahatların daha da dərinləşməsinə yönəldilib: “Artıq son üç ayın yekunları da göstərir ki, Azərbaycanın iqtisadi həyatında müsbət meyllər güclənir, əhalinin həssas təbəqələrinin həyat səviyyəsinin yaxşılaşdırılması istiqamətində həyata keçirilən tədbirlər öz bəhrəsini verir. Bir sözlə ifadə etsək deyə bilərik ki, Azərbaycan ikinci müstəqilliyi və inkişafı tarixində yeni mərhələni yaşayır”.