“__21_” Noyabr 2013-cü il tarixində Azərbaycan Respublikası Milli Olimpiya Komitəsinin Olimpiya Oyunlarının Ümumdünya Tərəfdaşı olan Coca-Cola şirkəti ilə birgə həyata keçirdiyi “Fəal Ailəm, Sağlam Aləm” proqramının işçi heyəti Abşeron rayonu Saray qəsəbəsinə səfər etmişlər. Səfərin əsas məqsədi Saray qəsəbəsi sakinlərini Olimpiya hərəkatı, Olimpiya dəyərləri və proqramın əsas hədəfi olan sağlam həyat tərzi haqda məlumatlandırmaqla onları Olimpiya hərəkatına cəlb etməkdən ibarət olmuşdur. Səfər zamanı 3 nömrəli məktəbdə Olimpiya hərəkatı və sağlam həyat tərzi mövzularında maraqlı təqdimat verilmişdir.
Təqdimatda 50 nəfər insan iştirak etmişdir ki, bunun əksəriyyətini məktəb yaşlı uşaqlar təşkil edirdi. Təqdimatın sonunda uşaqlarla Olimpiya hərəkatı, Olimpiya dəyərləri və sağlam həyat tərzinə aid viktorina keçirimişdir. Qaliblər MOK və Coca-Cola şirkətinin hədiyyələri ilə mükafatlandırılmışlar. Sonda tədbir iştirakçıları 2013-cü ilin dekabr ayının 22-də ABU Arenada təşkil ediləcək “Bakı Açıq Ailəvi İdman Turnirinə” dəvət olundular.
“Fəal Ailəm, Sağlam Aləm” proqramının əsas məqsədi sağlam və fəal həyat tərzini təbliğ etməklə, daha çox insanı, xüsusilə uşaq və valideynləri Olimpiya hərəkatına cəlb etməkdir.
Redaktor: Çinarə Əliyeva
