Xocalı faciəsinin 25-ci ildönümü Xırdalan şəhər 9 saylı tam orta məktəbdə anılıb.
Tədbirdən əvvəl bu təhsil ocağında təhsil alan tələbələrin soyqırımla bağlı çəkdikləri rəsm əsərlərindən ibarət sərgiyə baxış keçirilib.
Məktəbin direktoru Həcər İbrahimova tədbirdə çıxış edərək deyib ki, 1988-ci ildən başlamış Dağlıq Qarabağ münaqişəsi tarixində ən müdhiş hadisələrdən biri Xocalıda baş vermiş soyqırımdır. O, bu hadisəni XX əsrin ən dəhşətli və qəddar faciələrindən biri kimi dəyərləndirib: “Xocalı faciəsi tarixdə bizə məlum olan Babiyar, Xatun, Liditse, Sonqimı faciələri ilə eyni səviyyədə durur. Xocalı faciəsi 200 ilə yaxın bir müddətdə erməni şovinist-millətçiləri tərəfindən azərbaycanlılara qarşı müntəzəm olaraq həyata keçirilən etnik təmizləmə və soyqırımı siyasətinin davamı. Bir sözlə, ən qanlı səhifəsidir. Öz miqyasına və dəhşətlərinə görə dünya tarixində analoqu olmayan Xocalı soyqırımını törətməkdə erməni şovinistləri və ideoloqları uzağagedən məqsəd güdürdülər. Məqsəd Dağlıq Qarabağı və digər Azərbaycan torpaqlarını ələ keçirmək, xalqımızın müstəqillik və ərazi bütövlüyü uğrunda mübarizə əzmini qırmaq idi”.
Tədbirin təşkilatçısı direktor müavini Gülnar Abbasova çıxış edərək qeyd etdi ki, mənfur düşmənin öz niyyətlərinə çata bilmədiyini deyib. Onun sözlərinə görə, bu faciə Azərbaycan xalqını sarsıtsa da, xocalılar hətta amansız soyqırım günündə də özlərini qəhrəman kimi aparıb, erməni-sovet hərbi birləşmələrinə qarşı qeyri-bərabər döyüşdə igidliklə vuruşmuş, düşmən qarşısında əyilməyib:
G. Abbasova vurğuladı ki, “Baxmayaraq ki, cinayətkar erməni hərbi birləşmələrinin vəhşiliyi nəticəsində 613 nəfər şəhid, 487 nəfər şikəst olub, 1275 nəfər dinc sakin əsir götürülərək ağlasığmaz zülmə, təhqir və həqarətlərə məruz qalıb. 150 nəfərin taleyi hələ də məlum deyil. Şəhid olanların 106 nəfəri qadın, 63 nəfəri azyaşlı uşaq olub. 8 ailə bütövlükdə məhv edilib, 24 uşaq hər iki valideynini, 130 uşaq valideynlərindən birini itirib. Şəhid olanların yalnız 335 nəfəri dəfn olunub. Ona görə də Xocalı faciəsinin acı nəticələrini hamı bilməli və daimi yadda qalmalıdır”.
1992-ci il fevralın 25-də gecə saat 22:00 radələrində Xocalı şəhərinə 366-cı motoatıcı alayının komanda heyəti və hərbi texnikası ilə birgə hücuma keçdiyini belə xatırlayır: “Mayor Ohanyan Seyran Museqoviçin komandası 366-cı alayın 2-ci batalyonu, Yevgeni Nabokixin komandası altında 3-cü batalyonu, 1-ci batalyonun qərargah rəisi Çitçyan Valeriy İsayeviç və alayda xidmət edən 50-dən artıq erməni millətindən olan zabit və praporşiklər, tanklar, piyadaların döyüş maşınları Xocalıda hücumda iştirak edirdi. Xalqımız dünya miqyasına sığmayan bu qanlı tarixi unutmamalıdır”.
Çıxışlardan sonra məktəbin şagirdləri hazırladıqları səhnəcikləri tədbir iştirakçılarına təqdim etdilər. Tədbiri hazırlayan Gülsəhər Tağıyeva , Pərvanə Cəbiyeva, Səlimə Hüseynova və Gülnar Abbasova iştirakı ilə şagirdlər Xocalı faciəsinin şagirlərin gözü ilə kompazisiyasını təqdim etdilər.
Tədbirin sonunda “Xocalı soyqırımını unutma” adlı sənədli film nümayiş etdirilib.
