Abşeron rayon ümumtəhsil müəssisələrinin müəllimləri arasında ümummilli liderimiz H. Əliyevin anadan olmasının 93- cü ildönümünə həsr olunmuş şahmat yarışmasının keçirilməsi haqqında Azərbaycan Respublikası Təhsil Nazirliyinin əmrinə əsasən Azərbaycan Təhsil İşçiləri Azad Həmkarlar İttifaqı Respublika Komitəsinin Rəyasət Heyyətinin qərarı ilə Abşeron rayon Təhsil Şöbəsi və Rayon Təhsil İşçilərinin Azad Həmkarlar İttifaqı Respublika Komitəsinin təşkilatçılığı ilə rayon təhsil işçiləri arasında şahmat yarışı keçirildi. Yarış öncəsi Abşeron rayon təhsil şöbəsinin akt zalında başlandı. Yarış iştirakçılarını salamlayan rayon təhsil şöbəsinin müdir əvəzi Pərviz Əhmədov Ümummilli liderimiz H. Əliyevin anadan olmasının 94- cü ildönümünə həsr olunmuş şahmat yarışmasında iştirak edən müəllimlərə uğurlar arzuladı.
Sonra Azərbaycan Təhsil İşçiləri Azad Həmkarlar İttifaqı Respublika Komitəsinin Abşeron rayon təşkilatının rəhbəri Vahid Əliyev çıxış edərək Dahi rəhbərin 94- cü ildönümü münasibətilə təşkil olunmuş yarışda iştirak edən müəllimlərə sağlam və şəfaf mübarizədə qalibiyyət arzuladı.
Xırdalan şəhər 1 saylı tam orta məktəbin zalında təşkil olunan yarışda Abşeron rayon təhsil şöbəsinin metadisti Aslan Həziyevin baş hakimliyi ilə rayon təhsil ocaqlarının 30 müəllimi arasında püşk atılaraq yarışmaya start verildi. RTŞ- nin əmrinə əsasən yaradılan komissiyada hakimləri RTŞ- nin metadistləri Şahnəzər Dadaşov və Qəşəm Məmmədov iştirakçılara təqdim olundu.