Abşeron rayon ümumtəhsil məktəblərində “Nağılları yaşadaq” adlı nağıl müsabiqənin rayon mərhələsi başlanılıb. Müsabiqə Abşeron Rayon Təhsil Şöbəsi, Mədəniyyət və Turizm Nazirliyinin, Firidun bəy Köçərli adına Respublika uşaq kitabxanasının birgə təşkilatçılığı ilə həyata keçirilir.
Layihənin keçirilməsində əsas məqsəd kitab mədəniyyətinin təbliği, dünya uşaq ədəbiyyatı nümunələrinin daha aydın şəkildə geniş oxucu kütləsinə çatdırılması və ona marağın yaradılmasıdır.
Layihə çərçivəsində məktəblərin IV-VI sinif şagirdləri İslam dövlətlərinin nağıllarını səhnələşdirəcəklər. Müsabiqənin rayon üzrə final mərhələsi 21 may tarixində keçiriləcək.
Məlumat üçün bildirək ki, layihəyə Ceyranbatan qəsəbə 2 nömrəli tam orta məktəbdə start verilib. Məktəbin şagirdləri “Yetim İbrahim” nağılını səhnələşdiriblər.
