Məktəb bütün elmlərin açarı və insanları elmə aparan yoldur.Biliklərimizin bünövrəsi də məhz əlifbadan başlanır.
Ona görə də ənənəvi olaraq 1-cilər əlifbanı başa çatdıran kimi bunu xüsusi bir bayram kimi qeyd edirlər. Bu münasibətlə bu gün Xırdalan şəhər 4 saylı tam orta məktəbdə "Sabahımız gələcəyimiz" adlı tədbir keçirildi. Tədbirdə Abşeron rayon İcra Hakimiyyətinin, təhsil şöbəsinin, rayon Ağsaqqallar şurasının nümayəndələri iştirak edirdilər.
Mərasimə məktəb rəhbərliyi, müəllim kolektivi və valideynlər də qatılıblar.
Tədbir Azərbaycan Respublikasının dövlət himni ilə açıq elan edildi. Tədbirin təşkilatçısı Ellada Nərimanova məktəbin 1-ç sinfinin şagirdləri ilə birgə müxtəlif səhnəciklər təqdim edərək, mahnılar oxuyub, şeirlər səsləndirdilər.
Birincilər “Vals” sədaları altında səhnəyə daxil olublar.Bundan başqa şagirdlərin ifasında bir neçə milli və xarici rəqslər də nümayiş etdirilib. Şagirdlər vətənə, əlifbaya, müəllimə aid şeirlər söyləyiblər. Həmçinin,onların ifasında nümayiş olunan rəngarəng səhnəciklər,yaratdıqları nağıl qəhramanları valideyn və qonaqlarda xoş təəssüratlar yaradıb.Şagirdlərin yaratdığı maraqlı səhnəciklər – “Fəsillərin gözəliyi” , “Torpaqdan pay olmaz” , “Hərflərin yarışı”, "Rəqəmlərin deyişməsi" tamaşaçılar tərəfindən alqışla qarşılanıb.
Şagirdlər eyni zamanda simvolik olaraq “Uğura aparan yol” sözünü yaradan hərflərə və “0” – dan “10”-a qədər olan rəqəmlərə aid şeirlər söylədilər.
1-cilər tərəfindən hazırlanmış və valideynlər tərəfindən ayaq üstə alqışlanan səhnəciklərdən biri də onların “Qalx ayağa Azərbaycan” sədaları altında əllərində bayraq və əsgər formasında səhnəyə daxil olmaları idi.Bu zaman şagirdlərin məğrur duruşları və üzlərindəki ifadələr onların vətənə olan sevgisindən və məhbbətindən xəbər verirdi.
Sonra rayon Təhsil Şöbəsinin metodisti Sevil Əliyeva çıxış edərək qeyd etdi ki, ” Şagirdlər ilk dəfə sinif otağına daxil olanda,kimisi ağlayır,kimisi qorxur,kimisi də evlərinə getmək istəyirdi.Amma bu gün şagirdlər bir neçə ay ərzində öyrəndikləri bilik və bacarıqlarını yaşlarına uyğun olaraq çox möhtəşəm şəkildə nümayiş etdirdilər.
Çıxışının sonunda sinif rəhbəri Ellada xanıma öz təşəkkürünü bildirdi. Məktəbin direktoru Zəminə Nuriyeva çıxış edərək Ümummilli Liderimiz Heydər Əliyevin 94-cü ildönümünün hazırlaşdıqları qeyd edərək onun elmə və təhsilə göstərdiyi diqqət və qayğıdan danışdı. 2017 İslam Həmrəyliyi Oyunları və ya IV İslam Həmrəyliyi Oyunları barədə məlumat verən direktor vurğuladı ki, rayonumuzda bütün əlamətdar günlər həvəslə keçirilir. Biz təhsil işçiləri gələcəyimiz olan bu şagirdlərə dərslərində uğurlar diləyirik.
Tədbirə gələn bütün valideynlərə təşəkkür edirəm və arzu edirəm ki,bu uşaqların hər biri dərslərini yaxşı oxusun və səsləri daima uca zirvələrdən gəlsin”.
