Xırdalan şəhər 1 saylı tam orta məktəbin pedaqoji kollektivi və şagirdlərinin iştirakı ilə rayon Mədəniyyət Mərkəzində ulu öndər Heydər Əliyevin 94 illiyi ilə bağlı “Çiçəklənən Azərbaycan” adlı tədbir keçirilib.
Tədbirdə Abşeron Rayon İcra Hakimiyyətini başçısının müavini Fuad Cəbrayılov, rayon Təhsil Şöbəsinin müdir əvəzedicisi Pərviz Əhmədov, Rayon İcra Hakimiyyətinin, təhsil şöbəsinin məsul işçiləri , valideynlər, ziyalılar, ictimaiyyət nümayəndələri və digər şəxslər iştirak ediblər.
Əvvəlçə Heydər Əliyevin anadan olmasının 94-cü il dönümünə həsr olunmuş məktəblilərinin əl işlərindən ibarət rəsm sərgisi ilə tanışlıq olub.
Tədbirin bədii hisəsində Dahi liderin ruhuna hörmət əlaməti olaraq bir dəqiqəlik sükutla xatirəsi yad edildikdən sonra tədbir açıq elan edilib.
Məktəbin müəllimləri- Aynur Mirzəyevanın və Günay Məlikovanın təşkilatçılığı ilə hazırlanan tədbir Qarabağ şikəstəsi kompozisiyası ilə başlayıb, eyni zamanda Şuşa və Qarabağ panoramalarını əks etdirən səhnəciklər təqdim edilib.Anım tədbirini maraqlı edən daha bir məqam düşmən əsirliyində olan nadir bitki-xarıbülbül haqqında maraqlı səhnəciklərin nümayiş etdirilməsi və hərbi formada olan şagirdlərin səhnədə düzənlənmiş Lələ təpə yüksəkliyinə Üçrəngli bayrağımızı sancmaları olub.
Tədbirdə xalqın inamını özünə qaytaran, sabitlik və əmin – amanlıq yaradan ulu öndərin böyük xidmətlərini xatırladan slaydlar iştirakçılara nümayiş etdirilib.Şagirdlərin ifasında ədəbi – bədii kompozisiya göstərilib, ulu öndərə həsr olunan şeirlər səsləndirilib, musiqilər ifa olunub.
Şamo Əliyev
