Abşeron rayonunda “Narkomaniya ümumbəşəri bəladır” mövzusunda təşkil edilən tədbirlər silsiləsi davam edir. Növbəti maarifləndirici tədbir Xırdalan şəhər 10 nömrəli tam orta məktəbdə təşkil edilib.
Tədbirdə yerli icra hakimiyyəti və polis şöbəsinin əməkdaşları, təhsil, səhiyyə müəssisələrinin nümayəndələri və məktəblilər iştirak ediblər.
Məktəbin direktoru Elnarə Həsənova çıxış edərək narkomaniyanın cəmiyyətimizə, gələcəyimiz olan gənclərin mənəviyyatına, əxlaqına ciddi mənfi təsir göstərməsindən, insanların narkomaniya adlı xəstəliyə düçar olaraq həyatlarının məhv olmasından ətraflı məlumat verib
Rayon polis İdarəsinin rəis müavini Elçin Rəcəbov öz çıxışında son illər narkotik vasitələrə qarşı mübarizənin xeyli gücləndiyini, dövlət orqanlarının bu sahədəki fəallığının xeyli artığını və sosial bəlaya qarşı aparılan kompleks mübarizə tədbirləri sırasında Pirallahı rayonunda müxtəlif tədbir həyata keçirildiyini söyləyib.
Abşeron Rayon Polis İdarəsinin Yetkinlik yaşına çatmayanlarla profilaktik işin təşkili şöbəsinin baş inspektoru Elbrus Əhmədov narkomaniya və onun fəsadları barədə geniş məlumat verib.
Tədbirdə həmçinin, Abşeron Rayon İcra Hakimiyətinin əməkdaşları Hafiz Mikayılov, Tofiq Abdullayev , rayon Gənclər və İdman İdarəsinin rəisi Əsgər Əmirəliyev, rayon Mərkəzi Xəstəxanasının həkimi Hikmət Əlicanov və başqaları çıxış ediblər.
Sonda şagirdləri maraqlandıran suallara aydınlıq gətirilib və tədbir iştirakçılarına “Narkomaniyaya Yox Deyək!” adlı video çarx nümayiş etdirilib.
Şamo Əliyev