26 dekabr 2017-ci il tarixdə Xırdalan şəhər 2 nömrəli tam orta məktəbdə vokal məktəbinin banisi, görkəmli xanəndə, Xalq artisti Bülbülün və operamızın ilk qadını Şövkət Məmmədovanın 120 illik yubileyinə həsr edilmiş tədbir keçirilib. Məktəbin akt zalında baş tutan tədbirdə Azərbaycan himni səsləndirlib, Bülbül və Şövkət Məmmədovanın səs yazısı səsləndirilib, ekranda onların həyat və yaradıcılığına həsr olunmuş slayd təqdim olunub.
Yubiley tədbirində məktəbin direktoru Ədalət Camalova bildirib ki, Bülbül ilk müsiqi təhsilini, 1907 –ci ildə, demək olar ki, Şuşa mollaxanasında alıb. Kiçik yaşlarından məharətli zəngurələrinə görə xalq ona “ Bülbül” adı verib.
Məktəbin musiqi müəlliməsi və şagirdləri Bülbül yaradıcılığına geniş miqyasda səyahət ediblər. Şagirdlər tərəfindən Bülbülün ifa etdiyi musiqilər səsləndirilib, rəqs nümunələri nümayis etdirilib.
Tədbirdə həmçinin Azərbaycanın ilk qadın opera müğənnisi, SSRİ xalq artisti, professor Şövkət Məmmədovanın 120 illik yubileyi də keçirilib.
Ə.Camalova vurğulayıb ki, Ş.Məmmədovanın təşəbbüsü ilə 1923 – cü ildə Bakı Teatr Texnikumu açılmış, not nəşriyyatı təsis edilmişdir. Şövkət xanım 1948 –ci ildən Azərbaycan Opera və balet Teatrının solisti olmuşdur. Üzeyir Hacıbəyovun “Arşın mal alan” operettasında Gölçöhrənin ariyasını ifa etmişdir.
Məktəbin şagirdləri lalə qızlar rəqsini ifa ediblər. Bədii gecə şagirdlərin musiqi alətlərində ifaları ilə yekunlaşıb.
Şamo Əliyev