Abşeron rayonunun Xırdalan şəhər 2 nömrəli tam orta məktəbində “Riyaziyyat gecəsi” keçirilib.
Tədbirdə təhsil şöbəsinin nümayəndələri, KİV əməkdaşları və digər qonaqlar iştirak ediblər.
Əvvəlcə tədbir iştirakçıları məktəbin foyesində riyaziyyat tarixinə həsr olunmuş guşə ilə tanış olublar.
Dövlət himni səsləndirildikdən sonra məktəbin şagirdlərindən Nabat Kərimova V siniflər arasında, Nuray Məmmədhəsənova VI siniflər arasında, Gülarə İsmayılova VII siniflər arasında, Nəzrin Quliyeva VIII siniflər arasında “Pifaqor Akademiyası” nın keçirdiyi Abşeron rayon üzrə Riyaziyyat-Məntiq olimpiadasında I yer tuqlarına görə , Toğrul Mirzəyev isə məktəblilər arasında keçirilən elim festivalında II- yerə çıxdığına görə Akademiyanın sertifikatı və medalı ilə təltif olunublar.
Məktəbin direktoru Ədalət Camalova qonaqları salamlayıb və tədbirin tərbiyəvi əhəmiyyətindən danışıb. Şagirdlər tərəfindən “İlk riyaziyyatçı qadın Hipatiya”, “Triqonometriyanın banisi Əbül Vəfa”, “Nəsirəddin Tusinin həyat və yaradıcılığı”, “Rəqəmlərin mübahisəsi” və başqa mövzularda riyazi səhnəciklər təqdim olunub.
Sonra şeir söylənilib və mahnı oxunub.
Tədbirdə Abşeron RTŞ-ın əməkdaşları çıxış edərək “Riyaziyyat gecəsi”nin təşkilindən razı qaldıqlarını bildirib və digər təhsil ocaqlarında da belə tədbirlərin keçirilməsinin vacibliyindən söz açıblar.
Sonda qonaqlar şagirdlərlə xatirə şəkli də çəkdiriblər.