Xırdalan şəhər 3 nömrəli körpələr evi-uşaq bağçasının Məktəbəhazırlıq qrupunda “Bədii təfəkkürün inkişafı” üzrə açıq məşğələkeçirildi. Bədii nümunələr əsasında tərtib edilmiş məşğələdə tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıq və iş vərəqləri paylanılıb. Məşğələdə uşaqlar onlara verilmiş tapşırıqlar icra edərək , vətənpərvərlik ruhunda böyüdüklərini nümayiş etdiriblər .
Bağçanın müdiri Gülnarə Paşayeva bildirib ki, bədii ədəbiyyat uşağın nitq inkişafına və lüğət ehtiyatının zənginləşdirilməsinə böyük təsir göstərir, onların əqli, mənəvi və estetik tərbiyəsində güclü vasitədir.
Məşğələdə uşaqların hərtərəfli inkişafında, şəxsiyyətinin formalaşmasında düzgün seçilmiş bədii nümunələrin əhəmiyyəti böyükdür. Tərbiyəçi bədii əsəri - hekayə, şeir, nağıl və s. seçərkən ilk növbədə onu uşaq üçün əhəmiyyətliliyi cəhətdən dəyərləndirdi. Böyük məktəbəqədər yaşlı uşaqlar bədii əsərlərin məzmununu daha dərindən dərk etdi, həmçinin ədəbi janrları, onların xarakter xüsusiyyətlərini müəyyənləşdirə bildilər.
Uşaqların diqqəti əsərlərin bədii xüsusiyyətlərinə cəlb edilməlidir, çünki onlar ədəbi əsərlərin bədii mahiyyətinə qarşı daha həssas olurlar. Məktəbəhazırlıq qrupunda müəllimin qarşısında uşaqlarda bədii ədəbiyyata maraq, bədii obrazı hissetmə bacarığı tərbiyə etmək; poetik eşitməni (səs tonunu, musiqini, poetik nitqin ritmini tutmaq bacarığı) inkişaf etdirmək üçün nağılın, hekayənin, şeirin obrazlı dilini başa düşmək bacarığı tərbiyə etmək vəzifəsi durur.
Məşğələdə tərbiyəçi bədii nümunələri elə təhlil etdi ki, uşaqlar janrları fərqləndirməyi, nağılın, hekayənin, şeirin, təmsilin və kiçik folklor nümunələrinin spesifik xüsusiyyətlərini başa düşdülər.
Bədii əsərlərin qiraəti uşaqların qarşısında Azərbaycan dilinin bütün zənginliklərini açdı, onlar müstəqil yaradıcılıq və gündəlik ünsiyyət zamanı bu zənginliklərdən istifadə etməyə başladılar. Bu yaşda uşaqlarda bədii sözdən istifadə qabiliyyətinin inkişafı ana dilinə məhəbbətin formalaşması üçün təməldir. Məşğələdə bu cəhətlər diqqət mərkəzində saxlanıldı və daxil edilən tapşırıqlar müasir tələblər nəzərə alınaraq hazırlandı.
