Abşeron rayon Xırdalan şəhər 3№-li tam orta məktəb-litsey şagird sayına görə rayonun böyük məktəblərindən biridir.Məktəbdə texniki fənlər üzrə litsey siniflər fəaliyyət göstərir.Məktəb 1983-cü ilin 23 fevralında istifadəyə verilmişdir.Rayon rəhbərliyinin göstərişi ilə məktəb əsaslı təmir olunmuş və şagirdlərin istifadəsi üçün yararlıdır.Bina 1176 yerlik olsada hal-hazırda 1608 şagird təhsil alır.
Bugunkü müsahibimiz məktəb-litseyin rəhbəri, gənc direktor Sevinc Əliyeva oldu.Sevinc xanım bizə məktəb haqqında ətraflı məlumat verdi.Biz isə sizə ən əsaslarını çatdırırıq.
Məktəb-litseyin uğurları ildən-ilə artmaqda davam edir.2012-ci ildə məktəb-litsey Respublika məktəbləri arasında "İlin məktəbi" adını almışdır.Eyni ildə məktəbin müəllimi Gülşən Hümbətova da "İlin ən yaxşı müəllimi" adını qazanmışdır.
Ötən tədris ilinin nəticələrinə görə məktəbin 87 məzununun 57-si Ali məktəblərə, 4-ü isə orta-ixtisas məktəblərinə qəbul oldular.Litsey siniflər üzrə məzun olan 15 şagirdin 15 də tələbə adını qazanmışdır.
Respublika üzrə 263 medalist arasında ən yüksək nəticəni Xırdalan şəhər 3№-li tam orta məktəb-litseyin şagirdi göstərmişdir.
Məktəbin uğurları bunlarla məhdudlanmır.ANS kanalında efirə gedən "Ağıl Dəryası" verlişində məktəbin şagirdi Orucov Elbrus qalib gəlmiş və Yaxın Doğu Kipir Universitetində dövlət hesabına pulsuz Ali təhsil haqqı qazanmışdı.Hal-Hazırda həmin Universitetdə təhsil alır.Elbrusun bacısı, məktəbin şagirdi Gülçöhrə Orucova bu dərs ilində eyni adlı verlişdə iştirak edib və finala vəsiqə qazanıb.
Məktəbin uğurları saymaqla tükənməz, məktəbin müəllim kollektivinə və şagirdlərinə uğurlarının davamlı olmasını diləyirik.
Redaktor:Çinarə Sadıqova, Şamo Əliyev