Xocalı faciəsindən 26 il ötür. 1992-ci il fevralın 25-dən 26-na keçən gecə Ermənistan silahlı qüvvələri, Azərbaycanın Dağlıq Qarabağ ərazisindəki erməni silahlı dəstələri, keçmiş SSRİ-nin Xankəndində yerləşən 366-cı motoatıcı alayının zirehli texnikası və hərbi heyətinin bilavasitə iştirakı ilə Xocalı soyqırımını həyata keçirdi. Bu qətliam XX əsrin bəşəriyyətə qarşı törədilmiş ən dəhşətli faciələrindən biridir. Xocalı soyqırımının qurbanlarını yad etmək məqsədilə 24.02.2018-ci il tarixdə Xırdalan şəhər 2 nömrəli tam orta məktəbin 8b sinfinin şagirdləri və sinif rəhbəri Sevinc Abdullayeva Xocalı abidəsini ziyarət etdilər.
Abidənin önünə qərənfillər qoyuldu və Xocalı faciəsində şəhid olanların xatirəsi 1 dəqiqəlik sükutla yad edildi.
S.Abdullayeva Xocalı faicəsinin 20-ci əsrin ən dəhşətli və qəddarcasına törədilmiş soyqırım aktı olduğunu, bu faciəni unutmadığımızı və qisas alacağımızı vurğuladı.Ali Baş komandan,möhtərəm prezidentimiz İlham Əliyevin məqsədyönlü siyasəti nəticəsində erməni işğalı altında olan torpaqlarımızın tezliklə geriyə qaytarılacağına, qaçqın və köçkünlərimizin öz yurd-yuvalarına qayıdacağına əmin olduğunu bildirdi.
Gülnarə Mehdiyeva