Abşeron rayon, Xırdalan şəhər 17 saylı körpələr evi- uşaq bağçasında musiqili-əyləncəli oyun təşkil edilib.
Bağçada keçirilən "açıq məşğələ"də məqsəd bağçada tərbiyə alan uşaqların musiqini dinləyərək xarakterinə, janrına, melodiyasına, ritminə, səs tonuna görə fərqləndirə bilmələri və ifaçılıq bacarıqlarını nümayiş etdirmək olub.
Məşğələni bağçanın müdiri Könül İbrahimova açaraq "açıq məşğələ"nin mövzusu və bu yönündə görülmüş işlər haqqında danışıb. Bildirib ki, "Açıq məşğələ" də uşaqların ifasında mahnı, rəqs və səhnəciklərdən ibarət nömrələrlər nümayiş olunacaq.
Musiqi sədaları altında zala daxil olan uşaqlar tədbir iştirakçılarını salamladıqdan sonra məşğələ başlayıb. Bağçanın uşaqları ilə "açıq məşğələ"ni Sevda Qurbanova aparıb. Tərbiyəçi məşğələ gedişində müxtəlif suallar verməklə uşaqların musiqi üzrə biliklərini yoxlayıb. "Açıq məşğələ" uşaqların ifasında mahnı, rəqs və səhnəciklərdən ibarət nömrələrlər nümayiş olunub.
Sonra bağçanın körpə fidanları “Alma bağı” nağılını səhnələşdiriblər.
Sonda çıxış edən K.İbrahimova qeyd edib ki, kurikulum əsasında keçirilən məşğələdə, yuxarı yaş qrupunda tərbiyə alan uşaqların il ərzində musiqi biliklərinə nə dərəcədə yiyələndiklərini aşkara çıxarmaq, bu sahədə toplanmış təcrübəni bölüşmək idi.O həmçinin qeyd edib ki, uşaqlar bizim gələcəyimizdir, və bu uşaqların gələcəyi də bizim əlimizdədir. Onların tərbiyəsinin və musiqi zövqünün formalaşmasında körpələr evi-uşaq bağçasının rolu böyükdür və bu işdə məsuliyyət daha çox tərbiyəçilərin üzərinə düşür. Odur ki, onlara qayğı ilə yanaşmaq, doğru yola istiqamətləndirmək lazımdır.
